Jeremiah 17:21 - Tedim Bible

²¹ Topa in hih bangin ci hi: Na nuntak nop lai uhleh kidawm unla, Sabbath ni-in van pua kei un. Jerusalem khua kongpite-ah bangmah hong lutpih kei un.

Tedim Bible Revision 2017

²¹ Topa in hih bangin ci hi: Na nuntak nop lai uh leh kidawm unla, Sabbath ni-in van pua kei un. Jerusalem khua kongpite ah bangmah hong lutpih kei un.

Jeremiah 17:21 Referans Kwoze

Thu-hilhkikna 11:16

Midangte’ hong khemna hangin note kihei-in pasian dangte’ na semin tuate na biakkhak loh nadingun kingaihsun un.

Thu-hilhkikna 4:23

Topa na Pasian un note tawh hong bawl thuciamna mangngilhin, Topa na Pasian un note’ hih dinga hong kham lim khat peuhpeuh tawh a kibang a kiseek milim na bawlkhak loh nadingun kidawm un.

Thu-hilhkikna 4:15

“Tua ahih ciangin note hoihtakin kidawm un. Horeb-ah mei sung panin Topa in note’ tungah thu hong gen ni-in bangmah mu lo na hih manun,

Thu-hilhkikna 4:9

“Na mit un a muhsa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai-ah na din ni-un Topa in kei kiangah, ‘Leitungah a nuntak laiteng uh amaute in kei hong kihtakna ding le amaute in a tate uh a hilhsawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tate’ tungah kitheisak un.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a neisa mipa tungah Pasian in piathuah ding a, a nei lo mipa tung panin themkhat nei-a a kingaihsut nangawn lakkhiatsak ding hi,” a ci hi.

Marka 4:24

Tua ciangin amaute kiangah, “Na zak uh thu limtakin ngaihsun un. Midangte tungah na piakna uh tawh kizui-in note tungah Pasian in hong pia ding a, a tamzaw-in hong piathuah ding hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Joshua 23:11

Tua ahih ciangin Topa na Pasian uh na it ding uh hoihtakin ngaihsun un.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Isaiah 56:2

Hih banga a gamta mite, hih thu a lenkip mihingte, Sabbath tangin a siasak lote, siatna bawlna ding panin hoihtakin a kikemte, thupha ngah mi ahi hi,” a ci hi.

Isaiah 58:13

Note in Sabbath siangtho sakin, keima ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hi loin motpau loin na om uhleh,

Paikhiatna 20:8

“Sabbath ni a siangtho-a zat ding phawk un.