Jeremiah 17:2 - Tedim Bible

² A tate un singniim nuai khempeuh le mualsangte’ tunga a biakna taute uh le a nusian uh Asherah milimte phawk veve uh a,

Tedim Bible Revision 2017

² A tate un singniim nuai khempeuh le mual sangteʼ tunga a biakna taute uh le a nusian uh Asherah milimte phawk veve uh a,

Jeremiah 17:2 Referans Kwoze

2 KHANG TANGTHU NIHNATE 24:18

Tua ahih ciangin amaute in a pu a pate uh Pasian, Topa’ biakinn nusia uh a, Asherah milimte le milim dangte’ na sem uh hi. Hih amau’ mawhna hangin Judah le Jerusalem tungah hehna hong tung hi.

Jeremiah 2:20

“Sawtpek lai a kipanin ka hakkol kuaitanin ka ukna nong nial a, hong kihenna khau sutatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Isaiah 17:8

Amaute in amau khut tawh a bawlsa uh biakna taute don lo ding uh a, amau’ bawlsa Asherah milimte hitaleh paknamtui halna biakna taute hitaleh muanin nei nawn lo ding uh hi.

Isaiah 1:29

Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

2 KHANG TANGTHU NIHNATE 33:3

Bang hang hiam cih leh a pa Hezekiah in a suksiatsa mual dawna biakpiaknate amah in lamkikin, Baal-te a dingin biakna taute phut a, Asherah milimte bawlin vantung nate khempeuh bia a, tuate’ na sem hi.

Thukhente 3:7

Topa’ muhna-ah Israel-te a sia gamta-in, Topa amau’ Pasian mangngilh uh a, Baal-te le Asherah milimte a bia uh hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuhah biakna a pia uh hi. Meihal biakna a piakna uh le tuiphih biakna a piaknate uh tawh kei hong hehsak uh hi.

Jeremiah 7:18

Naupangte in sing tomin, a pate un mei tawh uh a, nupite in a nusian uh vantung kumpinu a’ ding moh bawlna ding annel meek uh a, kei hong hehsak nadingun, pasian dangte’ dawn dingin leenggahzu tawh biakna a pia tazen uh hi.

Late 78:58

Bang hang hiam cih leh amaute in a munsangte uh tawh amah a sinso nadingin phinphin uh a, amau’ milim bawlte tawh ama hazatna ding a piangsak uh hi.

2 KHANG TANGTHU NIHNATE 33:19

Tua ciangin ama thungetna, le ama kutna Pasian in a sanna, le ama khialhna le a cihtak lohna khempeuh, le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumute’ Khang Tangthu sungah kigelh hi.

Paikhiatna 34:13

Nangmah in amau’ biakna taute phelin, amau’ biakna khuamte kuaitanin, amau’ Asherah milimte na phukpai ding hi.

Jeremiah 3:6

Kumpi Josiah in a uk laitakin Topa in kei hong hopih a, “A zulhzau Israel, mualsang tung khempeuhah pai-in singliim nuai khempeuhah numei paktat bangin a om kawikawina na mu khinzo hiam?

Jeremiah 3:23

Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

Thu-hilhkikna 12:2

Na suankhiat ding uh minamte in a biakna mun mual sangte tung le mual neute tung le singniim nuai, mun khempeuh na susia taktak ding uh hi.