Jeremiah 17:14 - Tedim Bible

¹⁴ Topa aw, hong damsak lecin ka natna teng bei ding a, hong honkhia lecin kei ka suakta ding hi. Bang hang hiam cih leh nang pen ka hong phatpa na hi hi.

Tedim Bible Revision 2017

¹⁴ Topa aw, hong damsak lecin ka natna teng bei dinga, hong hon khia lecin kei ka suakta ding hi. Bang hang hiam cih leh nang pen ka hong phat pa na hi hi.

Jeremiah 17:14 Referans Kwoze

Late 6:2

Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Thu-hilhkikna 32:39

‘Tu-in thei un, keimah a kici pa pen kei ka hi a, kei simloh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khutsung pan a honkhiazo kuamah om lo hi.

Late 106:47

Topa, kote’ Pasian aw, kote hong hon inla, nangma min siangtho kong phat theih nading uh le nangma tungah lungdamna kong koh theih nadingun minam dangte’ lak panin kote hong kaikhawmkik in.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Thu-hilhkikna 10:21

Amah pen nomau’ phat ding ahi hi. Na mitte un a muhsa hih a lian a kihtakhuai nate note a dingin hong bawlsak pa pen na Pasian uh ahi hi.

Late 109:1

Keima hong phat Pasian aw, dai dide-in ommawk kei in.

Late 6:4

Topa aw, hong kihei inla, kei hong hon in. Itna kip a nei pa na hih manin keimah hong hon in.

Jeremiah 15:20

Hih mite tungah sumngo a kibawl khuakulhpi kong bangsak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding le a hong suaktasak dingin nang ka hong ompih hi, Topa in ka hong ci hi.

Mattiu 14:30

Ahi zongin huihpi nung a muh ciangin lau a, tui sungah tum dektak ahih manin, “Topa aw, hong hon in,” a ci hi.

Jeremiah 31:18

Efraim’ kahna aw ka zazo a, ‘Topa aw, bawngtal sin loh bangin kei nong thuhilh khinzo hi. Kong ciahkik theih nadingin hong lakik in; bang hang hiam cih leh nang pen Topa ka Pasian na hi hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah loh nadingun hih mite’ lungsim mawlsak inla, amau’ bil uh ngongsak inla, a mit uh va sisak in,” hong ci hi.

Mattiu 8:25

Nungzuite in Jesuh va phong uh a, “Topa aw, ka si dektak uh hi; hong hon in,” a va ci uh hi.

Late 148:14

Amah in ama mite thahatsak a, ama mi siangthote khempeuh, ama mai-ah a om Israel-te khempeuh in amah phat uh hi. Topa phat un.

Late 60:5

Nangma it mite a suahtak theih nadingin na khut taklam tawh gualzawhna pia inla, kote’ ngetna hong pia in.

Gamlak-vakna 12:13

Tua ciangin Moses in Topa’ tungah, “Amah damsak in, Pasian aw, kong thum hi,” ci-in a kiko hi.

Late 54:1

Pasian aw, na thahatna tawh kei hong honkhia inla, na vangliatna tawh ka dikna hong kilangsak in.

Jeremiah 3:23

Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

Jeremiah 30:17

Bang hang hiam cih leh Topa in kong cihin-ah, na galte un note, pampaih mi pawl, hong ci-in, ‘Kuama don loh Zion na hi hi,’ hong cih uh hangin note kong cidamsakkik ding a, na liammate uh ka damsak ding hi.

Jeremiah 33:6

Ahih hangin tu-in, keimah in hih khuapi ka damsak ding a, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Late 6:3

Ka hingim mahmah hi. Topa aw, bang tanvei nang hong zekai lai ding na hi hiam?

Late 119:94

Kei pen nangma a’ ka hi hi. Kei hong hon in. Bang hang hiam cih leh nangma thuhilhte zuih ding ka hanciam hi.