Jeremiah 17:11 - Tedim Bible

¹¹ Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

Tedim Bible Revision 2017

¹¹ Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khan lai-in a neihsa teng taan dinga, a tawpna ah mi haipi a suak ding hi.

Jeremiah 17:11 Referans Kwoze

Paunak 28:20

A citak mipa in thupha tampi ngah ding a, a hau baih nuam mipa in gim tuak pelmawh ding hi.

Paunak 21:6

Zuaugenna tawh hauhnate beimang pak a, sihna khuk sung hong tunpih hi.

Jeremiah 22:17

Ahih hangin note in thuman lo tawh ngahna ding ahi zongin, mimawh lote’ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Jeremiah 22:13

Thuman lopi-in inn lam a, zuauthu tawh inndei tungnung a lam mi, ama na a mawkna-in a inn vengte a semsak mi, thaman a pia lo mi in gimna thuak tahen.

Paunak 28:8

A meet a pung lakna tawh a hau mipa pen mizawngte a hehpih mipa a dingin sum a zonsak hi lel hi.

Paunak 15:27

A man loin sum ngahna in innsung lungkhamsak a, sumgolh a deih lote a nuntak sauvei nuam hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasian’ samsiat mite ahi uh hi.

Titu 1:11

Sum ngahtheih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Zefaniah 1:9

Lawki mite bangin biakinn sungah a lamte, khemna le thahna tawh a ngah uh vante tawh, a topa uh’ inn a dimsakte khempeuh, tua ni mahin gim ka pia ding hi,” a ci hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Paunak 13:11

Ol takin hauhpakna oltak mahin kiamkik pah a, haksapi-in hauhtohna khangto semsem hi.

Late 55:23

Ahih hangin Pasian aw, dum thuk penna munah amaute na lawnsuk ding a, mi thatte le mi khemte pen amau nuntak ding zah lang hing lo ding uh hi. Ahih hangin keimah in nang ka hong muang ding hi.

Luka 12:20

Ahi zongin Pasian in ama kiangah, ‘Mihai pa aw, tuzan mahmahin na si ding hi. Hih na neihsa teng kua’n zang nawn ding ahi hiam?’ ci hi,” a ci hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.

1 TIMOTI MASA 6:9

Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Zekhariah 5:4

Vanglian Topa in hih samsiatna a khahkhiatna ding thu gen a, guta mite khempeuh le a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Micah 2:9

Ka mihingte’ numeite, amau’ inn nuam panin na hawlkhia uh a, a tate un a ngah ding keima thuphate na taansak paisuak uh hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, mi’ na a suh uh vante tawh a inn lianpipite uh kidimsak uh hi.

Paunak 28:16

Ngaihsut siamna a nei lo gam ukpa a gilo kumpi hi ding a, thuman tawh ngah ding bek a deih mipa in sauveipi uk ding hi.

Paunak 23:5

Na ngahsa uh sumte mitphiat kalin beimang thei a, muvanlai bangin thakhatin leengmang thei hi.

Late 49:13

Hih pen a kihai muante’ ngah hi a, amau’ ngahsa tawh a lungkimte’ thumong ahi hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

JOB (Job) 20:21

Amah in a nek ciangin a khamval cih om ngei lo a, tu-in a hauhna khempeuh a beimang khinta ahi hi.