Jeremiah 16:6 - Tedim Bible

⁶ Hih gamah miliante le mineute si ding uh a, kivui loin, amau’ hangin kuamah kap loin, kuamah in a pumpi uh kuiliam loin a sam uh zong a met kei ding uh hi.

Tedim Bible Revision 2017

⁶ Hih gamah mi liante le mi neute si ding uh a, kivui loin, amauʼ hangin kuamah kap loin, kuamah in a pumpi uh kui liam loin a sam uh zong a met kei ding uh hi.

Jeremiah 16:6 Referans Kwoze

Thu-hilhkikna 14:1

“Note pen Topa na Pasian uh mite na hi uh hi. Misite hangin note ki-atkeh loin, na sam uh zong na mettol kei ding uh hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

Jeremiah 41:5

Shekhem, Shiloh, le Samaria khuate panin mi sawmgiat hong pai uh hi. Amaute in a khamul uh metin a puan uh balkekin, a pumpi uh a kikui gawpsa-in Topa’ biakinn-ah an tawh biakna le paknamtui tawh biakna a piak ding uh hong tawi khawm uh hi.

Siampi Laibu 19:28

Note in mi site’ hangin dahna limin na ci tung uh liamsak loin note’ tungah ciaptehna khat peuhpeuh zong na sun kei ding uh hi; kei pen Topa ka hi hi.

Jeremiah 48:37

“Mi khempeuh in a lu uh mettol uh a, a khamul uh kiatsiang uh hi. A khutte uh kuikek uh a, a kawng uhah puanhampi a teng uh hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Mangmuhna 6:15

Tua ciangin leitung kumpite le miliante, galkapmangte, mihaute le mi vangliante, silate le sila ahi lote a kipanin a kuamah peuh, mualtung a leihawmte sungah bu uh a,

Jeremiah 16:4

Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlaka a leeng vasate le leilaka ganhingte in a ne ding uh hi.

Jeremiah 13:13

Tua ciangin nangmah in amaute kiangah, ‘Topa in hong cihin-ah: En un, David’ tokhom tungah a tu kumpite, siampite, kamsangte, le Jerusalem khua-a a teng mi khempeuh a kipan gam sungah a om mi khempeuh zu tawh kidim sakin ka khamsak ding hi.

Jeremiah 7:29

“Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

Isaiah 24:2

Mi khempeuhte’ thuakna kibang kim ding hi. Siampite le mi mawkmawkte silate le a tote, van leite le van zuakte, sumneite le leibate, a hau a zawng, a thuakna uh kibang ding hi.

Mangmuhna 20:12

A lian a neu misite tua tokhom mai-ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amaute’ gamtatna tua laibute sungah a kigelhna tawh kizui-in misite tungah thu a kikhen hi.

Amos 6:11

Topa in thu a piak ciangin inn liante kisatzanin inn neute kisatnen ding hi.

Mattiu 9:23

Jew mi ulianpa’ inn-ah Jesuh a tun ciangin tamngai tum mite le mihonpi a gamlum henhan a muh ciangin,

2 KHANG TANGTHU NIHNATE 36:17

Tua ahih ciangin Topa in Khaldea mite’ kumpipa amaute’ langkhatah paipih a, tua kumpipa in amau’ Pasian’ biakinn sung nangawnah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

Siampi Laibu 19:27

Note in na baa samte uh met loin na khamul mongte uh zong na tan kei ding uh hi.

Jeremiah 8:2

Amaute in a it uh, a na a sepsak uh, a delh uh, a zon uhleh a biak uh ahi ni le kha le vana om nate khempeuh mai-ah a kiphokhia ding hi. Tua guhte kikhawm nawn lo ding a, kiphum nawn lo ding hi. Leilak a ek kinusia bang ahi lel ding hi.