Jeremiah 16:17 - Tedim Bible

¹⁷ Bang hang hiam cih leh a omdan khempeuh uh ka mitin ka mu a, kei’ kiang panin a kiseel bangmah om lo hi. A khialhna khempeuh uh zong ka mu hi.

Tedim Bible Revision 2017

¹⁷ Bang hang hiam cih leh a om dan khempeuh uh ka mitin ka mu a, keiʼ kiang panin a kiseel bangmah om lo hi. A khialhna khempeuh uh zong ka mu hi.

Jeremiah 16:17 Referans Kwoze

Paunak 15:3

Topa’ mit in mun khempeuh mu a, misia, mipha, hong encik kim hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam, Topa in kong ci hi. Leitung, vantung, mun khempeuhah ka om lamtak thei lo na hi uh hiam, Topa in kong ci hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuhah nang hong en kawikawi hi.

Late 90:8

Nangmah in ka mawhnate uh na mai-ah na koih a, ka khialh simnate uh na maitangah na koih hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntak zia khempeuh na mu a, amau’ nuntak dan le a sepna tawh kizui-in mi khempeuh tungah thaman na pia kim hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu a kipan gal na do ding hi,” a ci hi.

Ezekiel 9:9

Tua ciangin amah in hong dawng a, “Israel mite le Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Isaiah 29:15

Topa’ kiang panin amau’ thuvaihawmna a seelcip, khuamial sungah a gamta, “Kua in hong mu ding hiam? Kua in hong thei ding hiam?” a cite in gimna ngah tahen.

Late 139:3

Nangmah in ka sep laitak ahi a, ka khawl laitak ahi zongin na hong mu a, ka gamtatna khempeuh a vekpi-in na thei hi.

Ezekiel 8:12

Tua ciangin amah in, “Mihing ahi Ezekiel aw, Israel mite a kimu lo munah a gamtatnate uh tu-in na mu hiam? Amaute in milim a dimna inn sungah biakna a bawl uh hi. Amaute in, ‘Topa in hong mu lo hi. Topa in hih gam nusia khinta hi,’ ci-in paulap zong uh hi,” hong ci hi.

Late 51:9

Ka mawhna khempeuh na mai panin seel inla, ka khialhna khempeuh hong phiatkhiatsak in.

Late 109:15

Topa’ mai-ah tua mawhnate omsak inla, leitung panin amah a kiphawkna bei tahen.

Jeremiah 2:22

Vuttui tawh kisilin satpiang tampi na zang zongin na mawhna nin ka mu lai veve hi, Topa Pasian in kong ci hi.

Jeremiah 29:23

Bang hang hiam cih leh amaute, Israel gamah hai gamtat uh hi: A innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Zefaniah 1:12

“Tua laitakin Jerusalem khuasung meivak tawh ka zong ding a, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantung mi in, “Meivak sagihte pen, leitung khempeuh a etna Topa’ mittang sagih ahi hi,” hong ci hi.

JOB (Job) 10:14

Ka khialhkhaknate hong ensim niloh na hih manin ka mawhnate hong maisak nuam lo na hi hi.

JOB (Job) 31:4

Pasian in ka gamtatna khempeuh thei a, ka kalsuanna khempeuh a hong mu hi.

Late 33:15

Amau’ lungsim a bawlpa in amaute’ gamtatnate en gige hi.

Isaiah 66:18

Bang hang hiam cih leh amau’ nasepnate le amau’ ngaihsutnate ka thei a, minam khempeuh a khawm dingin ka hong pai hi. Amaute hong pai-in ka minthanna mu ding uh a,

Jeremiah 7:11

Ka min tawh a kilo hih biakinn no’ ngaihsutna-ah misuam mi buluhte’ bukna mun bangin ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.