Jeremiah 16:16 - Tedim Bible

¹⁶ “En un, Topa in kong cihin-ah, ngabeng tampi ka khah ding a, amaute ka mansak ding hi. Tua khit ciangin sabeng tampi ka khah ding a, amaute in mualtung khempeuh le suanghawmte lakah amaute a beng ding uh hi.

Tedim Bible Revision 2017

¹⁶ “En un, Topa in kong cih in ah, ngabeng tampi ka khah dinga, amaute ka mansak ding hi. Tua khit ciangin sabeng tampi ka khah dinga, amaute in mual tung khempeuh le suanghawmte lakah amaute a beng ding uh hi.

Jeremiah 16:16 Referans Kwoze

Amos 4:2

Topa Pasian a siangtho ahih mah bangin, amah in kamciamna khat bawlkhin a, “Amaute in sikkawi tawh note hong kaihkhiat hun ding, ni khat ni ciangin hong tung taktak ding a, note khempeuh sikkawi-ah a awk ngasa na bang ding uh hi.

Micah 7:2

Leitungah mihoihteng bei khinta a, Pasian’ tungah a thuman mi kuamah om nawn lo hi. Mihoihteng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

1 SAMUEL MASA 26:20

Tua ahih ciangin tu-in Topa’ omna panin gamdang leitangah kei hong sisak kei in; bang hang hiam cih leh mualtungah vaka a beng pa bangin uili bang lel keimah a that dingin Israel kumpipa nong kuankhia hi,” a ci hi.

Piancilna 10:9

Amah pen Topa’ mai-ah a minthang sabengpa zong ahi hi. Tua ahih ciangin, “Topa in Nimrod bangin a minthang sabengpa hong suaksak ta hen,” kici hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.

Amos 5:19

Humpinelkai kihta-in vompi a tuakpa tawh kibang ding hi. Tua ahih kei leh mi khat a inn-ah hong tai a, a kawmah a khut a ngak ciangin gul in a tuk tawh kibang ding hi.

1 SAMUEL MASA 24:11

En in, ka pa aw, ka khutsunga na puantualpi mong en in. Kei tungah khialhna ahi a, kumpi dona ahi zongin a om lohna, na puantualpi mong atkhia napi-in nang kong thahlohna thu tawh thei-in na mu ding hi. Kei thah dingin nong zon hangin nang tungah ka khial kei hi.

Isaiah 7:19

Tuate khempeuh hong pai-in, keenhawmte sung, suangpi heengte sung, lingkung kawmte, le ganhing tatna mun khempeuhah dim ding uh hi.

Jeremiah 4:29

Sakol tunga tuangte le thal tawite’ aw a kizak ciangin mi khempeuh galtai mang uh a, gamlakah tai-in suang lakah a kahto uh hi. Khuapi khempeuh kinusia khin a, kuamah teng nawn lo hi.

Jeremiah 6:9

Vanglian Topa in kei hong hopih a, “Leenggah lo-ah a sangte a kilawh khit bangin Israel mi a omlai sunteng lo siang vet in,” hong ci hi.

Jeremiah 49:5

Vanglian Topa Pasian in kong genin-ah, na kiim na pamte uh kiang panin note tungah gimna kong tungsak ding hi. Note hong kihawlkhia ding a, mi khempeuh amau tum ciatin taikeek ding uh a, a hong kaikhawm kik ding kuamah om lo ding hi.

Kah la 4:18

Galte in hong vilsim uh ahih manin ka vakkhia ngam kei uh hi. Ka hun uh a beita hi a, a beina hun a tungzo ahi hi.

Hosea 10:10

Hih mimawhte thuhilh nadingin gim ka pia ding a, a thuapthuapin a mawhna hangun thuhilh nadingin minam dangte in amaute hong sim ding uh hi.

Zefaniah 1:12

“Tua laitakin Jerusalem khuasung meivak tawh ka zong ding a, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Kah la 4:19

Mu ak bawh sangin a manlang zaw-in amaute in a hong delh uh hi. Amaute in mualtung panin hong delhsuk uh a, theihkholh lohin a hong man khin uh hi.