Jeremiah 16:13 - Tedim Bible

¹³ Tua ahih manin hih gam panin note le na pu na pate un na theih ngei loh uh gamah kong notkhia ding hi. Tua lai-ah sun le zanin pasian dangte’ na na sem niloh ding uh hi; bang hang hiam cih leh note kong angvan nawn kei ding hi,” ci hi,’ na ci ding hi.

Tedim Bible Revision 2017

¹³ Tua ahih manin hih gam panin note le na pu na pate un na theih ngei loh uh gamah kong not khia ding hi. Tua lai ah sun le zanin pasian dangteʼ na na sem niloh ding uh hi; bang hang hiam cih leh note kong angvan nawn kei ding hi,” ci hi,’ na ci ding hi.

Jeremiah 16:13 Referans Kwoze

Thu-hilhkikna 28:36

“Note le na pu na pate un a theih ngei loh minam khat kiangah Topa in note le note tungah na koih uh na kumpipa uh hong tunpih ding a, tua lai-ah singlesuang tawh a kibawl pasian dangte’ na na sem ding uh hi.

Jeremiah 15:14

Na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna mei bangin kitawhkuang a, a mit nawn kei ding hi,” a hong ci hi.

Jeremiah 17:4

Note kong piak na gam uh zong na taan ding uh a, na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.

2 KHANG TANGTHU NIHNATE 7:20

note’ tungah kong piaksa leitang panin note kong botkhia ding hi. Tua ciangin ka min dingin ka apsa hih biakinn ka muhna panin ka lawnkhia ding a, mi khempeuh lakah paunak le gentehna ka suaksak ding hi.

Jeremiah 22:28

Jehoiakhin, kuama deih loh a kipaimang beel kitam tawh kibang ta ahi hiam? Bang hangin amah le a tate kilawnkhia a, a theih loh uh gamah kipaimang ahi hiam?

Jeremiah 15:4

Judah kumpi Hezekiah’ tapa Manasseh in Jerusalem khua-ah hih bangin a bawl thu leitung gam khempeuhte in mu-in a lau ding uh hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gam sung uhah khualmi bangin nang omin khualzin zan khat bek a taam bangin hong om na hi hiam?

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

Jeremiah 5:19

Na mipihte un, ‘Bang hangin Topa i Pasian in hih bangin ei’ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uhah gamdang pasian-te’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

Late 81:12

Tua ahih ciangin a ut bangun a gamta dingin amau’ lungsim khauhna bangin ka gamtasak hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tuni-a i muh bangin amaute gam dangah hawlkhia hi,’ ci ding uh hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai-ah hong dingin hong thum uh zongin hih mite ka hehpih tuan kei ding hi. Ka muhna panin hawlkhia unla, paikhia sak un.

Jeremiah 22:26

Nangmah le nang hong paii na nu, na suahna mun uh ahi lo gam dangah kong lawnkhia ding a, tua laitakah na si ding uh hi.

2 KUMPI NIHNATE 25:21

Tua ciangin Babylon kumpipa in amaute vat a, Hamath gam sung Riblah-ah amaute a that hi. Tua ahih ciangin amau’ gam panin salin Judah mite kilakhia hi.

Jeremiah 10:18

Bang hang hiam cih leh Topa in, “En un, tu-in hih gam sungah a teng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

Jeremiah 16:5

“Bang hang hiam cih leh Topa in kong cihin-ah, mi’ kahna inn sungah lut kei unla, thumin kuamah va kah se kei un. Bang hang hiam cih leh lungnopna, itna lianpi, le ka hehpihna hih mite kiang panin ka lakhia khinzo hi, Topa in kong ci hi.