Jeremiah 15:9 - Tedim Bible

⁹ Ta sagih a nei nupi khakham vei-in a sibup hi. Sunkimlai hinapi ama a dingin khuamial bang a, maizumna le mindaina a thuak hi. No a nungta laite na galte un namsau tawh a hong satlup dingun ka hong pia ding hi, Topa in kong ci hi,” a hong ci hi.

Tedim Bible Revision 2017

⁹ Ta sagih a nei nupi khakham vei-in a sibup hi. Sunkim lai hi napi ama adingin khuamial bang a, maizumna le mindaina a thuak hi. No a nungta laite na galte un namsau tawh a hong sat lup dingun kong pia ding hi, Topa in kong ci hi,” a hong ci hi.

Jeremiah 15:9 Referans Kwoze

1 SAMUEL MASA 2:5

A gilvahte in an thalawh uh a, ahih hangin a gilkialte kial nawn lo uh hi. Tasel mi in ta sagih nei a, ahih hangin ta tampi a nei nu a lungzuang hi.

Isaiah 47:9

Aisan siamnate le mibum siamna vang lianpi na neih hangin ta khuaisuahna le meigonna, hih thu nihte thakhat thu-in ni khat sungin a kicing takin nangma tungah hong tung veve ding hi.

Kah la 1:1

Khatvei lai-in mi a dimtakin a tenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhte’ lak panin a thupi pen khuapi tu-in salin a kiman khinzo hi.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Kah la 4:10

Ka mite a cihmawh laitakun, itna a nei nupite nangawn in, a tanote uh go-in beel sungah a huan uh hi.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Jeremiah 21:7

Tua khit ciangin, Topa in kong cihin-ah, Judah kumpipa Zedekiah le a nasemte, le pulnatna, namsau, le kialin a si lo a nungta laiteng pen, amau’ galte le amaute a thatnuam Babylon kumpipa Nebukhadnezzar’ khut sungah ka pia ding hi. Amah in amaute namsau tawh that ding a, hehpih loin, zong a maap kei ding a, itna lungsim a nei kei ding hi,’ va ci un,” a ci hi.

Jeremiah 6:4

Amaute in, “Jerusalem khua a sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektakta a, i liimte sau keei ta hi.

Jeremiah 7:19

Topa in kong cihin-ah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in a thuak uh hizaw hi lo ahi hiam?

Jeremiah 19:7

Hih munah Judah mite le Jerusalem mite’ ngimna ka tangtungsak kei ding a, a galte uh’ namsau le a thatnuamte’ khutlumin amaute ka sisak ding hi. Amau’ luanghawmte huihlaka leeng vasate le leilak ganhingte’ an dingin ka pia ding hi.

Jeremiah 50:12

na nu uh Babylon khuapi maizum ding a, note’ pianna na nu uh a mindai ding hi. En un, na gam uh gam khempeuh lakah a ginalo pen hi ding a, lei keu, gamlak, sehnel gam a suak ding hi.

Ezekiel 5:13

“Ka lung a kim dongin kong hih ding a, ka hehna le ka sinsona teng na thuak ding uh hi. Note tungah hih thute hong tun ciangin, note’ cihtak lohna hangin deihsak luatna tawh a hong heh pau ka hihna na phawk ding uh hi.