Jeremiah 15:21 - Tedim Bible

²¹ Migilote’ khutsung panin nang kong suaktasak ding a, mi lauhuaite’ khutsung panin nang kong honkhia ding hi,” a hong ci hi.

Tedim Bible Revision 2017

²¹ Migiloteʼ khut sung panin nang kong suaktasak dinga, mi lauhuaiteʼ khut sung panin nang kong hon khia ding hi,” a hong ci hi.

Jeremiah 15:21 Referans Kwoze

2 KORIN NIHNA 1:10

Tua zahin a lauhuai sih nading panin hong honkhia khinzo a, zong hong honkhia lai ding hi. Mailam hunah zong hong honkhia kikkik ding hi, ci-in amah ka muang uh hi.

Jeremiah 50:34

Ahih hangin amaute a honkhia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute a dingin a sem ding hi.

Isaiah 54:17

Nangmah do nadingin a kibawl hiam peuhmah maavang lo ding a, thukhenna sungah na langah a pang mi khempeuh na nialgawpzo ding hi. Hih thu pen Topa’ nasemte’ gamhluah le keima kiang panin amaute’ dikna a kilahna ahi hi, Topa in ci hi,” a ci hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuauthu tawh a heikhia, thukhual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.

Late 37:40

Amaute in Topa beel ahih manin amah in amaute huhin honkhia a, migilote’ kiang panin amaute honin suaktasak hi.

Late 27:2

Hong langpangte le ka galte ahi, siatna bawlte in hong do a, kei nektum hong sawm ciangun, amaute kisukha-in puk ding uh hi.

Piancilna 48:16

siatna khempeuh panin kei hong tankhia vantungmi in hih tangvalte thupha pia hen la, amaute sungah keima min le ka pa Abraham le Isaac’ min kizomsak hen la, leitungah amaute mi honpi khatin khangsak ta hen!” a ci hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin note’ khenuai mi hong hisak baih ding hi. I Topa Jesuh Khrih hong hehpihna thupha, note tungah om tahen.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Isaiah 29:5

Ahih hangin nangma gal honpite leivuineel leeng bang ding uh a, thukhual lo mihonpite ansi leeng bang ding uh hi. Tua ciangin tomkha sungin thakhat thu-in,

Late 97:10

Topa in gitlohna a mudahte it a, amah in a mi siangthote’ nuntakna siatna ding pan a kem hi. Amah in migilote’ khutsung panin amaute a honkhia hi.

Isaiah 49:26

Nang hong nengniam mite pen amau’ satak mah ka nesak ding a, zukham bangin amau’ si mah a kham ding uh hi. Tua ciangin kei pen Jakob’ Vanglian Pa, nang hong Tankhiapa, nang hong Hon Topa ka hihna mi khempeuh in hong thei ding uh hi,” a ci hi.

Isaiah 60:16

Nupi khat in a ta nawi pia-in limtakin a kep bangin, minamte le kumpite in nang hong vakin hong kem ding uh hi. Tua ciangin kei pen Topa, nangmah a hong Honpa, nangmah a hong Tankhiapa, Jakob’ Vanglian Pa ka hihna na thei ding hi.

Jeremiah 16:1

Topa in kei hong hopih a,

Jeremiah 20:13

Topa’ tungah la sa unla, Topa phat un! Migilote’ khutsung panin amah in mi cimawhte a honkhia hi.

Jeremiah 31:11

Bang hang hiam cih leh Topa in Jakob ka suaktasak khinzo a, a zawhzawh loh khutte’ sung pan ka honkhiazo hi.

Jeremiah 38:28

Tua hi a, Jerusalem khua a kilak ciang dong kei zong thong huangsung mahah ka omlai hi.

Jeremiah 39:11

Babylon kumpipa Nebukhadnezzar in kei tawh kisai-in kumpi cing galkap mangpa Nebuzaradan thu pia a,

Jeremiah 39:12

“Jeremiah la un. Limtakin kem unla bawlsia kei un. Ama deih bangbangin na bawl un,” a ci hi.

Daniel 3:17

Mei phualpi sung panin a hong honkhia thei pasian a om leh ka biak ka Pasian uh hi ding a, na khutsung panin a hong honkhia ding hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Jeremiah 26:24

Ahih hangin Shafan’ tapa Ahikam in Jeremiah hu ahih manin thah dingin mite’ khut sungah kipia lo hi.