Jeremiah 15:15 - Tedim Bible

¹⁵ Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin kei’ sih nading piangsak kei in. Nangma hangin minsiatna a thuak ka hihlam hong thei in.

Tedim Bible Revision 2017

¹⁵ Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin keiʼ sih nading piangsak kei in. Nangma hangin min siatna a thuak ka hih lam hong thei in.

Jeremiah 15:15 Referans Kwoze

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kaikhia inla, a kigawh ni hun ding a tun mateng tuamkoih in.

Luka 21:17

Mi khempeuh in keima hangin note hong mudah ding uh hi.

Jeremiah 20:12

A thuman mite a entel, lungsim le ngaihsutna a mu Vanglian Topa aw, amaute na thukkikna kei hong musak in. Bang hang hiam cih leh nangma khut sungah ka thu kong ap khin hi.

Jeremiah 17:16

Ahih hangin amaute tungah gimna na tunsak ding kong ngen kei a, siatna ni hong tun ding ka deihsak lohlam zong na hong thei hi. Ka kam panin a gingkhia thu khempeuh na thei khin hi.

Nehemiah 13:22

Tua ciangin Sabbath ni a siangtho-in a omsak theih nadingun amaute kisiansuah tawmin kongpite hong cin nadingun Levi mite ka sawl hi. Ka Pasian aw, hih thu-ah zong hong phawk inla, na itna tawh kizui-in siatna panin kei hong pengsak in.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi.

Jeremiah 20:8

Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topa’ kammal ka gen khiatna hangin nisimin simmawhna le zahpihna ka thuaklawh hi.

Late 119:84

Na nasempa in bang tanvei ngaklai ding ka hi hiam? Kei hong bawlsiate cik ciangin thu khen ding na hi hiam?

Late 106:4

Topa aw, nangma teel mite’ daupaina ka muh theih nading, nangma minamte’ kipakna sungah ka lungkim theih nading, nangma luahte tawh ka minthan’ khawm theih nadingin na mite tungah maipha na lah ciangin kei hong phawk inla, amaute na hotkhiat ciangin kei zong hong huh in.

Nehemiah 5:19

Pasian aw, hih mite a dingin ka bawlna khempeuh kei a dingin a hoih lamin hong phawk in.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Mangmuhna 6:10

Amaute nakpitakin kiko uh a, “A thuman, a siangtho, a Vanglian Topa aw, leitungah a omlai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

2 TIMOTI NIHNA 4:14

Sikseekpa Alexander in kei tungah siatna lianpi hong bawl hi. Ama gamtatna tawh kizui-in Topa in thuk ding hi.

2 KORIN NIHNA 5:11

Pasian zahtak nading thu ka lungsim uhah om tawntung ahih manin mite ka zolzawh nadingun ka hanciam uh hi. Pasian in kote’ lungsim teltakin hong thei a, note in zong na lungsim uhah kei hong thei dingin ka hong um hi.

ROM (Romans) 12:19

Lawmte aw, na hehna uh kuama tungah thukkik kei unla, Pasian’ thukkik dingin koih lel un. Bang hang hiam cih leh Lai Siangtho sungah, “Keimah in amaute tungah ka thuk ding a, midangte a gimsak bangun ka gimsak ding hi, Topa in ci hi,” ci-in kigelh hi.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah zakhat ngahkikin, nuntak tawntungna zong a ngah ding uh hi.

Jeremiah 15:10

Gimna ka thuak hi; ka nu aw, gam sung khempeuh a mite tawh a kitawng a kisel dingin kei nong suaksak hi. Ka sumte kuamah lah leitawisak loin kuama-a’ lah leitawi la lo napi, a vekpi-un kei hong hamsiat teitei uh hi.

Isaiah 38:3

“Topa aw, ka lungsim khempeuh le thuman tak tawh nangma mai-ah gamta-in, nangma muhna-ah a hoih nate ka sepna thu, tu-in nong phawk nadingin kong thum hi,” a ci hi. Hezekiah nakpitakin a kap hi.

Late 102:24

Keimah in, “Khang tawntungin a kip ka Pasian aw, hong khansihsak kei in,” ka ci hi.

Late 39:13

Ka manthan hun matengin ka lungnop theih nadingin kei hong en in!

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

JOB (Job) 10:7

Ka mawh lohna na thei a, nang kiang panin kei hong hon ding a om lohna na theihsa mah ahi hi.

Nehemiah 13:31

Tua ciangin a kiseh hunin zat dingin cih ding sing tawh biakna le anpal tawh biakna ding ka vaihawmsak hi. Ka Pasian aw, a hoih lamin kei hong phawk in.

Nehemiah 6:14

Ka Pasian aw, amau’ sepnate’ hangin Tobiah le Sanballat thei inla, keimah lausak dingin a hanciam kamsangnu Noadiah le kamsang dang khempeuh zong thei in.

ROM (Romans) 8:35

Tua ahih manin bangin Khrih’ itna tawh hong kikhensakzo ding ahi hiam? Haksatna, lungkhamna, bawlsiatna, gilkialna, zawnna, lauhuaina, sihnate khat peuhpeuh in hong khenzo ding ahi hiam?

Thukhente 16:28

Tua ciangin Samson in Topa samin, “Topa Pasian aw, kei hong phawk in, kong thum hi. Tu-a ka mittang nihte’ tang dingin Filistia mite ka thuktheih nadingin hong thahatsak in, tu-a bek kong thum hi,” a ci hi.

Late 44:22

Nangma hangin sunthapai-in kote hong kithat a, gan gote’ tuu gawh ding bangin kote hong kikoih hi.

Jeremiah 15:20

Hih mite tungah sumngo a kibawl khuakulhpi kong bangsak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding le a hong suaktasak dingin nang ka hong ompih hi, Topa in ka hong ci hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong omkhawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Jeremiah 18:23

Ahih hangin Topa aw, amaute in thah dingin kei a hong sawmna uh nang na thei hi. Amau’ khialhnate na maisak kei inla, nangma muhna panin amau’ mawhnate phiatmangsak kei in. Nangma mai-ah amaute guallelsak inla, na heh ni mahin hih ek in.

Kah la 3:64

“Topa aw, amau’ gamtatna bangin thukkik in.

Kah la 3:66

Amaute delhkek inla, leitung panin nuaimang gawp in,” ci ni.