Jeremiah 14:21 - Tedim Bible

²¹ Nangma min na khualna-in kote hong nolh kei inla, a vanglian na tokhom mindaisak kei ta in. Kote tawh nong thuciamna hong phawk inla, hong ciampel kei ta in.

Tedim Bible Revision 2017

²¹ Nangma min na khualna-in kote hong nolh kei inla, a vanglian na tokhom mindaisak kei ta in. Kote tawh nong thuciamna hong phawk inla, hong ciampel kei ta in.

Jeremiah 14:21 Referans Kwoze

Jeremiah 14:7

Ka mite in kei tungah, ‘Topa aw, ka mawhna uh kote’ langkhatah hong pang ahi ta zongin nangma min hangin kote hong hehpih in. Kote in tam veipi nang kong nungngat uh a, nangma tungah ka hong khial khinzo uh hi.

Late 106:45

Amaute a’ ding a ngaihsutna-in ama thuciamna phawk a, ama itna kip tawh kizui-in a kolsak hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna-ah gam khempeuh hong kikhawmin, amaute in amau’ mawhnopna lungsim uh a zui tentan nawn kei ding uh hi.

Jeremiah 17:12

I biakinnpi pen a kipat cil-in mualtungah a om a minthang mahmah kumpi tokhom tawh kibang hi.

Mangmuhna 11:2

Ahi zongin biakinn pualam tualte teh kei in. Minam dangte’ khut sungah kipia khin a, amaute in kha sawmli le nih sung Khuapi Siangtho tuancilgawp ding uh ahih manin tua a tualte teh loin nusia lel in.

Efesa 2:7

Khrih Jesuh tungtawnin a hong lah ama hehpihna le a hong itna bangzah takin lianin lamdang ahi hiam, ci-in a hong tung ding hunah a hong lah tawntung theih nadingin hih bangin a hong thokhawmsak ahi hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Luka 1:72

I pu i pate a hehpih nading le ama thuciam siangtho hong mangngilh loh nading, amah in hong gen hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-te’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi le a sunga a omteng, galte’ khut sungah ka pia ding hi.

Daniel 9:7

Topa, nang na hih leh na siangtho a, ahih hangin kote ka hih uhleh a zumhuai-in ka gamta uh hi. Judah gam le Jerusalem khuasunga teng Israel mite khempeuh thuman lo uh ahih manin, a nai a gamla gam tuamtuamah na thehthangzo hi.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng ding a, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi sisate uh phawkna ding mual bawlna tawh ahi zongin ka min siangtho daisak ngei nawn lo ding uh hi.

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih ding a, amaute a cithei-in ka bawlkik ding hi. Keima min siangtho ka hu ta ding hi.

Ezekiel 24:21

Israel mite kiangah hih bangin thu gen in hong ci hi. Ama cihna-ah: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nungah a omlai na tate uh, namsau-in si ding uh hi, ci hi.

Kah la 2:20

Topa aw hong en in. Na bawlsiat mite hong en dih in. Nupite in a it mahmah uh a tate uh’ sa ne tanghial uh hi. Siampite le kamsangte in biakinnpi sung mahmahah thahna thuak uh hi.

Kah la 1:10

A galte in a neih a lam khempeuh a laksak khinmang hi. Biakinnpi sungah lut uh a, Topa in Gentail-te a pai ding a phal lohna munah a lut uh a mu hi.

Jeremiah 14:19

Topa aw, nangmah in Judah gam nialsiang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Damna ding hun ka lamen uh a, lauhuaina bekbek ka mu uh hi.

Late 106:40

Tua ciangin ama mite tungah Topa’ hehna hong kitawhkuang a, amah in ama luah minamte a kih hi.

Late 51:11

Nangma omna panin kei hong paaikhia kei inla, keima kiang panin na kha siangtho lakhia kei in.

Thu-hilhkikna 32:19

“Topa in tua thu thei a, a tapate le a tanute in amah hehsak uh ahih manin tua ama tate a nolh hi.

Siampi Laibu 26:11

Keimah in note lakah omna ka bawl ding a, keimah in note kong kih kei ding hi.

Paikhiatna 32:13

Amaute’ tungah nangmahmah kiciamin, ‘Na suanlekhakte uh vantung aksi bangin tamsakin, keimah in ka ciamsa hih leitang khempeuh na suanlekhakte uh tungah ka pia ding a, amaute in luah tawntung ding uh hi,’ na cihna na nasemte Abraham, Isaac, le Israel phawk in,” a ci hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim khin hi.

Late 25:11

Topa aw, ka mawhna lian ahih manin, nangma min phat nadingin keima mawhna hong maisak in.

Late 145:11

Amaute in na kumpi gam a minthanna thu gengenin na vangliatna thu sutsut ding uh a,

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung mite’ phat dingin a bawlkik matengin amaute khawl lo ding uh hi.

Ezekiel 20:22

Ahi zongin tua bangin hih leng, Egypt gam panin Israel mite ka paikhiatpih hong mu mite’ lakah ka min daii ding ahih manin amaute ka susia kei hi.