Jeremiah 14:2 - Tedim Bible

² “Judah gam kap a, a khuapite maimang dekdek hi. A mite in puan vom khu-in leilakah bok uh a, Jerusalem khua-a om mite’ kahna aw ging hi.

Tedim Bible Revision 2017

² “Judah gam kap a, a khuapite maimang dekdek hi. A mite in puan vom khu-in leilak ah bok uh a, Jerusalem khua-a om miteʼ kahna aw ging hi.

Jeremiah 14:2 Referans Kwoze

Isaiah 3:26

Khuapi kongpi tau-in thum ding hi. Khuapi, gamkhing suak ding a, a guaktanga om nupi leilakah a tucip tawh kibang ding hi.

Jeremiah 8:21

Ka mite’ thuakna hangin ka lungsim kisia a, lungkham lua-in ka kap hi.

1 SAMUEL MASA 5:12

A si lo sunte in uilut vei uh a, khuapi sunga kahna awging vantung dongah kizato hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Vanglian Topa in ci hi.

Jeremiah 11:11

Tua ahih ciangin Topa in kong cihin-ah, en un, a pelh theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Joel 2:6

Amaute hong pai ciangin mi khempeuh lau uh a, a maitang uh daanggawp hi.

Joel 1:10

Lo ante kisusia a, leengguite keutum hi. Oliv kungte keugaw a, lolai-ah bangmah om nawn lo ahih manin leitang lungzuangin a thum hi.

Hosea 4:3

Tua ahih ciangin leitang keugaw-in a tunga teng khempeuh si ding a, leitung a om gamsa khempeuh le huihlaka leeng vasa khempeuh tawh si mang ding uh a, tuipi sunga om ngasate nangawn si mang ding hi.

Kah la 5:10

Gilkial luat manin cisa-in ka nattun uh a, ka pumpi uh mei-am sa a bang hi.

Kah la 2:9

Kulhkongpite cim gawpin lei in vukcip a, kongpi kalhna zawlte a kitan gawp hi. Kumpipa le miliante salin a om khin uh hi. Thukham kihilh nawn lo a, kamsangte in Pasian kiang pan maang a mu nawn kei uh hi.

Jeremiah 18:22

Amau a thatlum ding galkapte thakhat thu-in paisak inla, amau’ innte panin kahna aw kizasak in! Bang hang hiam cih leh ka kiat nadingin gum to uh a, ka khete a awk nadingin thang a hong siah uh hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Jeremiah 4:28

Tua thu hangin leitung kap ding a, vantung mial ding hi. Bang hang hiam cih leh ka gensa, ka khensatsa hi a, ka kisik loh bangin ka lungsim zong ka kheelkik kei ding hi,” a ci hi.

Isaiah 33:9

Leitang kinusiacipin om mawk hi. Lebanon muala tulak singte vulgawp a, Sharon gam lei hoihpen sehnel gam bang ta hi. Bashan le Karmel muala singtehte pulhmang khinta hi.

Isaiah 24:7

Leengguite keutumin leenggahzu tawm semsem a, a lungdam mi khempeuh khuisa ta uh hi.

Isaiah 24:4

Leitung vulin keugaw a, leitung buppi thaneemin vulgawp hi. Vantung le leitung a nih tuakin vulkhawm hi.

Isaiah 15:5

Moab gam adingin ka lungsim kiko hi. A galtai ama mite Zoar khua le Eglathshelishiah khuate-ah a tai uh hi. Bang hang hiam cih leh Luhith lampi-ah amaute a kapsa-in paito uh hi. Horonaim khua zuatna lampi-ah amaute in siatna a thuakna uh hangin nakpi-in kiko uh hi.

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

JOB (Job) 34:28

Amaute in mizawngte kapsak gawp uh a, mizawngte’ huh ngetna awging Pasian in a za hi.

1 SAMUEL MASA 9:16

“Zing ciang tubang hunin Benjamin gam sung panin nang kiangah mi khat kong sawl ding a, nangmah in ka mi Israel-te tungah ulian dingin amah sathau na nilh ding hi. Amah in Filistia mite’ khutsung panin ka mite honkhia ding hi; bang hang hiam cih leh amaute’ kikona kei kiang hong tung khin ahih manin ka mite’ gimna ka mu khinzo hi,” a ci hi.

Paikhiatna 2:24

Pasian in amau’ thumna za hi. Pasian in Abraham, Isaac, le Jakob tawh a thuciamna a phawk hi.

Late 144:14

Ka kongzingte uhah cimawhin kikona om kei tahen.

Isaiah 24:11

Leenggahzu a duh manun kongzingah mite kiko uh hi. Lungdamna khempeuh mangthang khinta a, leitung kipahna teng kibeisak ta hi.

Jeremiah 12:11

Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Jeremiah 46:12

Gamdangte in na zumhuaina uh hong za khin uh a, leitung bupah na kahna aw uh kiza hi. Na galkapte uh khatlekhat kiphukha-in, a nihun a pukkhawm uh hi,” a hong ci hi.

Kah la 2:8

Jerusalem kulhpi a kipuk ding Topa in a ngaihsutsa ahi hi. A vekpi-in a kisia khin dingin amah in a sehsa ahi hi. Tausangte le kulhpite tu-in kisia khin piikpeek ta hi.

Haggai 1:11

Keimah in gam sung teng, mualtung khempeuh, leitang pana a piang kung khempeuh, mihing, ganhing, le mite’ nasepna khempeuhah keuna ka tungsak hi,” a ci hi.

Joel 1:11

Lokhote aw, dah un; leenggui ciingte aw, kap un; mangbuh le mangbuhham, lo an khempeuh a beita hi.

Joel 1:14

An tan’ ding thu pia unla, a thupi biak kikhopna bawl un. Note’ Topa Pasian’ biakinn sungah makaite le gammi khempeuh kaikhawm unla, Topa’ tungah kiko-in thum un.