Jeremiah 14:12 - Tedim Bible

¹² An a tan’ uh hangin amau’ thumna ka ngai kei ding a, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisakzaw ding hi,” hong ci hi.

Tedim Bible Revision 2017

¹² An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Jeremiah 14:12 Referans Kwoze

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amaute’ thungetna ka ngai kei ding hi,” a hong ci hi.

Jeremiah 11:11

Tua ahih ciangin Topa in kong cihin-ah, en un, a pelh theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koimahah nong mu kei ding uh hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Vanglian Topa in ci hi.

Micah 3:4

Topa’ tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Ezekiel 14:21

“Topa Pasian’ thugen hih bang ahi hi: Mihing ganhing a sumai dingin gimna nasia pen li ahi gal, kialpi, a kihtakhuai gamsate, le natna, Jerusalem-ah ka tungsak ding hi.

Jeremiah 24:10

Namsau tawh kithahna, kialpi, le pulnatnate ka tungsak ding a, amaute le a pu a pate’ kiangah ka piaksa gam sungah khat beek ka nungtasak nawn kei ding hi,” hong ci hi.

Jeremiah 16:4

Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlaka a leeng vasate le leilaka ganhingte in a ne ding uh hi.

Jeremiah 9:16

Amaute le a pute a pate’ theih ngei lohna gam dangah ka kithehthangsak ding a, a sih khit dong uh namsau ka nungdelhsak ding hi,” hong ci hi.

Isaiah 58:3

“Kote in an tang napi-in bang hangin kote hong phawk lo na hi hiam? Kote kiniamkhiatin om napi-in bang hangin kote hong thei kha lo na hi hiam?” hong ci uh hi. Note in an na tan’ uh ciangin nomau’ deihna na zong uh a, na nasemte uh na nengniam uh hi.

Paunak 28:9

Mi khat in thukham a zuihnop kei leh ama thungetna nangawn Pasian in zakthadahhuai sa hi.

Paunak 21:27

Topa in migilote’ biakpiaknate deih lo a, ngimna hoih lo tawh a piakte uh deih lo zaw kan lai hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Mangmuhna 6:8

Ka khuadak leh sakol puang khat ka mu a, a tungah a tuang pa’ min pen Sihna hi a, a nungah Hell in a zui hi. Amaute in namsau, kialpi, pulnatna, le gamsate tawh leitung mi sehlisuah sehkhat a thahtheih nadingun thu a kipia hi.

JOB (Job) 27:9

Lungkhamna a thuak uh ciangin Pasian in amau’ kikona awging ngai ding ahi hiam?

Jeremiah 8:13

“Topa in kong cihin-ah, amaute ka susia khin ding a, a lote uhah leenggah a om nawn kei ding hi. Thei in zong gah a nei nawn kei ding hi. A tehte nangawn keu ding a, amaute ka piaksa nate a bei ding uh hi.

Jeremiah 21:6

Hih khuapi sungah a tengte a mi a sa ci loin ka thatlum ding a, pulnatna tawh a bei khin ding uh hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Ezekiel 14:19

Tua gamah pulpi tungsakin, ka hehna tawh mihing ganhing sisak leng,

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Amos 5:21

Na biakna pawite uh mudahin ka deih kei a, na biak kikhopnate uhah ka lung a kim kei hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uh cin ka ut hi. Note tungah ka lungkim kei a, nong piak uh biakpiaknate kong sang kei ding hi.

Malakhi 2:13

Note’ gamtatna adang khat omlai hi. Tua pen, note’ paipih biaknate hong sang nawn lo ahih manin Topa’ biakna tau, khitui tawh na kawtsak uh a, kapin thumin na om uh hi.

Jeremiah 11:14

“Tua ahih manin Jeremiah aw, hih mite a’ ding thu ngetsak kei in la, amau’ tangin thumsak kei in. Bang hang hiam cih leh amaute in gim ngahin hong sap uh ciangin ka ngai kei ding hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai-ah hong dingin hong thum uh zongin hih mite ka hehpih tuan kei ding hi. Ka muhna panin hawlkhia unla, paikhia sak un.