Jeremiah 13:9 - Tedim Bible

⁹ “Topa in kong cihin-ah, hih bangmahin Judah mite’ kisaktheihna le Jerusalem khuate’ ki-uatsaknate ka susia ding hi.

Tedim Bible Revision 2017

⁹ “Topa in kong cih in ah, hih bangmahin Judah miteʼ kisaktheihna le Jerusalem khuateʼ ki-uatsaknate ka susia ding hi.

Jeremiah 13:9 Referans Kwoze

Siampi Laibu 26:19

keimah in na kiphatsakpih uh note’ vangliatna susia-in, van panin guah hong zusak loin, na leitang uh sik ka bangsak ding hi.

Zefaniah 3:11

Tua hun ciangin ka mite in kei nong lehdona hangun maizumna ding bangmah om nawn lo ding hi. Note lak panin a kiphasak, a kihisak mite ka hawlkhia ding a, Jerusalem khua-a ka mual siangtho tungah kei nong lehdo nawn kei ding uh hi.

Isaiah 23:9

A Vanglian Topa’ vaihawm ahi hi. Miliante’ kiphatsaknate a beisakna ding le a kipahtawi uliante a niamkhiat nadingin a bawl ahi hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

Luka 18:14

Ke’n kong cihin-ah, hih mipa pen Pasian tawh a kilemsa-in a inn-ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi,” a ci hi.

Nahum 2:2

(Israel mite, a galte’ sukgawp ma, a nidang ngeina bangun Topa in a omsakkik ding a kipan ahi hi.)

Ezekiel 16:56

Nangma siatnateng hong kipholak ma, na kiphatsak om hun laitakin na sanggamnu Sodom simmawhbawl hi lo na hi hiam? Tu-in na simmawh ngei na sanggamnu mah na bang teekteek hi. Edom mite, Filistia mite, le na kiima om nang hong mudahte in hong simmawhbawl hi.

Ezekiel 16:50

Amaute kihisakin ka deih loh nate gamta uh ahih manin, na theih mah bangin amaute ka nusia hi.

Jeremiah 48:29

Moab’ kiphatsakna ka za khinzo a, kiphasak pha mahmah hi. Kiliansakin kisathei a, kuamah thusim loin mite a neu-et hi.

Isaiah 16:6

Tua ciangin Judah mite in, “Moab’ kiphatsakna thu i za khinta hi. Amah kiphasak mahmah hi. A kiliatsakna, a kiphatsakna, a kihihsakna, ama kisialhnate khempeuh a mawkna ahi hi,” a ci uh hi.

Jeremiah 13:8

Tua ciangin Topa in kei hong hopih a,

Jeremiah 25:18

Jerusalem le Judah gam a khuapite, a kumpite uh le a gam uliante uh ka dawnsak a, tuni dongin gam simtham suakin, mite’ simmawhna thuakin, a min uh hamsiat nadingin a kizang hi. Tua hai panin a dawn a dangte: