Jeremiah 13:25 - Tedim Bible

²⁵ Hih pen nangma ngah dingin ka hong sehsak ahi hi, Topa in kong ci hi. Bang hang hiam cih leh kei na hong mangngilh a, pasian zuau peuh na um hi.

Tedim Bible Revision 2017

²⁵ Hih pen nangma ngah dingin ka hong sehsak ahi hi, Topa in kong ci hi. Bang hang hiam cih leh kei na hong mangngilh a, pasian zuau peuh na um hi.

Jeremiah 13:25 Referans Kwoze

JOB (Job) 20:29

“Migilote’ ngah dingin Pasian in a piak gimna migilote’ ngah pen tu-a bang ahi hi,” a ci hi.

Mattiu 24:51

a topa in nakpitakin gim pia-in, mihoih a kineihkhemte’ gimthuak dingteng thuaksak ding a, amah kapin a hagawi ding hi.

Jeremiah 2:32

Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in simzawh loh ni tampi sung a hong mangngilh uh hi.

Late 11:6

Amah in migilote tungah mei-am le kaat zusak ding a, amau’ ngah ding gimna huihsa mahmah hi ding hi.

Late 9:17

Pasian a mangngilh minam khempeuh sung panin migilote, Leinuai-ah pai ding uh hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Jeremiah 10:14

Mi khempeuh hai-in pilna nei lo khin uh a, kham seekte khempeuh in a milimte uh a maizumlawh uh hi. Bang hang hiam cih leh a milimte uh zuau hi lel a, nak thei lo uh hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i neizo hi. A tuumcip ding tuiciin hong tun ciangin eite hong ban lo ding hi; bang hang hiam cih leh zuauthu i bel a, zuauna-ah i bu hi,” na ci uh hi.

Isaiah 17:4

Tua ni ciangin Jakob’ liatna bei ding a, ama hauhna khempeuh mangthang ding hi.

ROM (Romans) 1:25

Amaute in a man ahi Pasian’ thu um nuam lo uh a, a tawntungin phat dingin a kilawm a Piangsak pa bia loin, Pasian’ bawlsa nate bia-in a zui uh hi. Tu-a bangin hi takpi uh hi.

Isaiah 34:17

Amah in amaute a dingin leitang hawmsak ding a, amau’ tanh ding ciat a pia ding hi. Amaute in tua gam nei tawntung ding uh a, khang khat pan khang khat dongin teng paisuak ding uh hi.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Zefaniah 3:2

Topa’ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Ezekiel 23:35

“Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna le na paktatna hangin na thuak ding hi,” a hong ci hi.