Jeremiah 13:24 - Tedim Bible

²⁴ Sehnel gam panin a hong nung huih in buhvai a mut bangin note kong thehthang ding hi.

Tedim Bible Revision 2017

²⁴ Sehnel gam panin a hong nung huih in buhvai a mut bangin note kong thehthang ding hi.

Jeremiah 13:24 Referans Kwoze

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

Siampi Laibu 26:33

Keimah in minam dangte lakah note kong thehthang ding a, keimah in namsau a paai panin dokin note kong delh ding hi. Na leitang uh gamkhing suak ding a, na khuapite uh a sia hi ding hi.

Hosea 13:3

Tua ciangin amaute pen zingsang a kaai meiilum, a maimangpak daitui, ancilna panin huih in a letkhiat ansi, meikhu suahna-a a pai meikhu bangin a maimang ding uh hi.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu inla, khuapi kiimah na paikawmin na namsau tawh satnen in. A omlai seh khat pen huihlakah lawn in. Keimah in ka namsau tawh tuate ka sat ding hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Zefaniah 2:2

Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Ezekiel 17:21

A galkap muanhuai pente, gal sungah si ding a, a suakta sunte zong mun citengah kithehthang ding hi. Tua ciangin Topa ahi keimah in thu a gen ka hihlam na phawk ding hi,” a hong ci hi.

Ezekiel 6:8

“Tua banga kihonthahna panin pawlkhat ka suaktasak ding a, minam dangte lakah kithehthangin,

Isaiah 41:16

Amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israel-te’ Siangtho Pa’ hangin na minthang ding uh hi.

Isaiah 17:13

Tui lianpi a ging bangin minamte awng uh hi. Ahih hangin amah in amaute tai ding a, gamlapi pekah amaute taikhia ding uh hi. Mualtung a huih mai-ah ansi leeng bang leh huihpi mai-a pingpei bangin leengkhia mang ding uh hi.

Thu-hilhkikna 32:26

Keimah in, “Amaute gamlapi-ah ka thehthang ding a, mite lakah amaute a kiphawkna ka beisak ding hi,” ka ci thei ding hi.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai-ah note le na pu na pate un a theih nai loh singlesuang tawh a kibawl pasian dangte’ na na sem ding uh hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na omlai ding uh hi.

Jeremiah 9:16

Amaute le a pute a pate’ theih ngei lohna gam dangah ka kithehthangsak ding a, a sih khit dong uh namsau ka nungdelhsak ding hi,” hong ci hi.

Jeremiah 18:17

Nisuahna lam huih in nin a mutmang bangin a galte uh mai-ah amaute ka thehthang ding hi. Haksatna a tuah ni-un amaute ka nungngat ding a, ka maingat kei ding hi,” hong ci hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.