Jeremiah 12:7 - Tedim Bible

⁷ Tua ciangin Topa in, “Ka inn ka nusia khin a, ka luahsa mite ka paimangta hi. Ka it mahmah ka mite, a galte uh’ khut sungah ka piata hi.

Tedim Bible Revision 2017

⁷ Tua ciangin Topa in, “Ka inn ka nusia khin a, ka luah sa mite ka pai mang ta hi. Ka it mahmah ka mite, a galte uhʼ khut sungah ka pia ta hi.

Jeremiah 12:7 Referans Kwoze

Isaiah 2:6

Amaute pen nisuahna lam gam a om khongkhaite le Filistia mite bangin aisante tawh kidim uh a, gamdang mite’ ngeina zui uh ahih manin Jakob suanlekhak, na mite nang na nial hi.

Jeremiah 11:15

Ka itte in siatna a bawl khit uh ciangin ka biakinn sungah bang thu nei thei nawn ding ahi uh hiam? Nong kamkhapte uh le na biakpiakna sate un na kisiatna ding uh hong kipelhsak thei ding ahi hiam? Tua ciangin note na lungdam thei ding uh hiam?

Hosea 9:15

Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Joel 3:2

Minam dang khempeuh kaikhawmin Jehoshafat Kuam-ah ka paipih ding hi. Ka mihingte tungah a bawlnasa uh hangin tua munah amaute thu ka khen ding hi. Amaute in Israel mite, gam dangah thehthang uh a, ka gam sung teng phelhawm mangkhin uh hi.

Joel 2:15

Zion mual tungah peengkul tumin an tanna ding thu pia unla, biak kikhopna khat nei un.

Ezekiel 24:21

Israel mite kiangah hih bangin thu gen in hong ci hi. Ama cihna-ah: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nungah a omlai na tate uh, namsau-in si ding uh hi, ci hi.

Jeremiah 51:5

Bang hang hiam cih leh Israel le Judah mite Israel mite’ Siangtho Pa tungah a khialh uh hangin, amaute’ Pasian, Vanglian Topa in amaute taisan nai lo hi.

Jeremiah 7:29

“Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

Jeremiah 7:14

ka min tawh a kilo, note in na muan uh hih Jerusalem biakinn le note le na pu na pate uh’ kiangah kong piak hih mun pen Shiloh-a biakinn tungah ka hih bangin ka hih ding hi.

Jeremiah 14:19

Topa aw, nangmah in Judah gam nialsiang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Damna ding hun ka lamen uh a, lauhuaina bekbek ka mu uh hi.

Jeremiah 17:4

Note kong piak na gam uh zong na taan ding uh a, na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.

Jeremiah 23:33

“Jeremiah aw, ka mite khat peuhpeuh in ahi a, kamsang khat ahih kei leh siampi khat peuhpeuh in ahi zongin, ‘Topa’ thugen bang ahi hiam?’ ci-in hong dot leh nangmah in, ‘Topa’ thugen nangmah na hi a, nang pen vangik khat na hi hi. Topa in nang, kong paaikhia ding hi, hong ci hi,’ ci-in gen in.

Jeremiah 23:39

keimah in note le na pu na pate uh ka piaksa khuapi ka domto ding a, ka omna panin ka lawnkhia taktak ding hi.

Hosea 11:1

Israel a neu lai-in ka it mahmah a, Egypt gam panin ka tapa ka samkhia hi.

Thu-hilhkikna 33:12

Benjamin minamte’ thu genin, “Topa in a it mipa ama kiangah nuam takin om hi. Amah in sun tawntung kemin, amaute lakah om hi,” a ci hi.

2 KUMPI NIHNATE 21:14

Tua ciangin keimah in ka mi a omlaite paaikhia-in amau’ galte tungah ka pia ding a, amaute pen a galte’ mat ding mi le vankiate suak ding uh hi;

Late 78:62

Amah in ama mite namsau tawh sisak a, ama luahte tungah a hehna a nga hi.

Late 106:40

Tua ciangin ama mite tungah Topa’ hehna hong kitawhkuang a, amah in ama luah minamte a kih hi.

Jeremiah 22:5

Ahih hangin note in hih thute na zuih kei uhleh keimah Topa in kong genin-ah, hih inn gamlak a suaksak dingin ka kiciam hi.