Jeremiah 12:15 - Tedim Bible

¹⁵ Ahih hangin amaute ka lakkhiat khit ciangin ka hehpihkik ding a, amau’ luah ding amau’ gam ciatciat uhah ka koihkik ding hi.

Tedim Bible Revision 2017

¹⁵ Ahih hangin amaute ka lakkhiat khit ciangin ka hehpihkik dinga, amauʼ luah ding amauʼ gam ciatciat uh ah ka koihkik ding hi.

Jeremiah 12:15 Referans Kwoze

Jeremiah 49:6

“Ahih hangin Topa in kong cihin-ah, nidang ciangin Ammon mite a ngei bangsakin ka hausakkik ding hi,” a ci hi.

Jeremiah 48:47

“Ahih hangin Topa in kong cihin-ah, nidang ciangin Moab gam a ngei bangsakin ka hausakkik ding hi,” a ci hi. Moab tungah thukhenna tu-a zah ahi hi.

Jeremiah 49:39

“Ahih hangin nidang ciangin Elam gam nidanga a ngei bangin omsakin ka hausakkik ding hi, Topa in ka ci hi,” a hong ci hi.

Amos 9:14

Ka mi Israel-te, amau’ gam ka tunkik ding a, a kisia a khuapite uh hoihtakin lampha kikin a sungah a teng ding uh hi. Amaute in leenggui suanin, huan bawlin, a sunga piangte a ne ding uh hi.

Thu-hilhkikna 30:3

Topa na Pasian un note na ngei uh hong bangsakkikin, note tungah hehpihna hong nei ding a, Topa na Pasian un note hong thehthangna mi khempeuhte lak panin note hong kaikhawm kik ding hi.

Thu-hilhkikna 3:20

Topa in note hong piak bangin na sanggamte uh tungah lungsim tawlngakna pia-in, Topa na Pasian un Jordan galkhatah amaute a piak leitang amaute in zong a luah matengun na huh ding uh hi. Tua ciangin note kong piaksa ahi na neihsa ciat uhah note khempeuh na ciah ding uh hi,’ kong ci hi.

Gamlak-vakna 32:18

Israel mite in amau’ luah ding ciat a luah khit matengun ka inn uhah ka ciah kei ding uh hi.

Sawltak 15:16

‘Tanglai pek panin hih thu a hong theisak Topa in hih bangin a gen hi: Keima mi ahi dingin ka sapsa Gentail mite le midangte khempeuh in Topa a zontheih nadingun a nung ciangin ka hong paikik ding a, a kisiasa David’ ukna gam ka puahkik ding hi. A siate a ngei bangsakkikin ka dingsakkik ding hi, ci hi,’ ci-in kigelh hi.

Jeremiah 3:12

Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna-ah gam khempeuh hong kikhawmin, amaute in amau’ mawhnopna lungsim uh a zui tentan nawn kei ding uh hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

Jeremiah 24:6

Amaute limtakin ka kem ding a, hih gamah ka lakik ding hi. Amaute ka khangtosak ding a, ka susia kei ding hi; ka suan ding a, ka botkhia kei ding hi.

Jeremiah 29:14

Topa in kong cihin-ah, note in nong mu ding uh a, na saltanna uh hong beisakin, kong hawlkhiatna gam khempeuh le mun khempeuh panin kong kaikhawm kik ding a, note kong lakkhiatna gam mahah kong tunpih kik ding hi, Topa in kong ci hi.

Daniel 11:4

Ahih hangin a thahat pen laitakin a gam hong kitam ding a, khen li a kisuah ding hi. A suan a khakte in ama gam a ukkha kei ding uh hi. Midangte in uk ding uh a, ahi zongin amah zahin vang a neizo kei ding uh hi.

Jeremiah 16:15

Amaute in, ‘Leilu lam gam le eite hong hawlkhiatna gam khempeuh panin Israel mite a hong kaikhawm Topa a nuntak bangin,’ a cizaw ding uh hi. Bang hang hiam cih leh a pu a pate uh ka piaksa, amau’ neihsa gamah amaute ka paipih ding hi.