Jeremiah 12:12 - Tedim Bible

¹² Sehnel gam mualsang panin a susia dingte hong paizo uh hi. Gammong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Tedim Bible Revision 2017

¹² Sehnel gam mual sang panin a susia dingte hong pai zo uh hi. Gam mong khat panin gam mong khat dongah a lungmuang kuamah om lo hi. Bang hang hiam cih leh Topaʼ namsau in mi khempeuh a vattuk hi.

Jeremiah 12:12 Referans Kwoze

Amos 9:4

Galte in a sal dingin hingmat ta le-uh zong, namsau tawh a thah nadingun thu ka pia ding hi. Amaute’ hoihna ding ngaihsun hetloin, amaute suksiat ding ka sawm hi,” a ci hi.

Jeremiah 47:6

Note in, ‘Topa’ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

Ezekiel 14:17

Tua gam sungah gal tungsakin, mihing ganhing a siaksiang dingin a husia galhiamte kizang leh,

Isaiah 34:6

Topa in namsau khat nei hi. Sisan tawh kidim ding a, biakpiakna tuuno si le keel si, tuutalte’ kal thau tawh a kizolsak bang ding hi. Bang hang hiam cih leh Topa in Bozrah khua-ah hih biakpiakna nei ding a, Edom gamah hih bang tampi thahna omsak ding hi.

Mangmuhna 6:4

Sakol a ausan khat hong pai a, mite khatlekhat a kithah theih nadingun a sakol tung tuang pa in leitungah galkidona a piansak theih nading vangliatna kipia a, ama tungah namsau lian mahmah khat zong kipia lai hi.

Zefaniah 2:12

No Ethiopia mite zong, Topa in hong that ding hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu inla, khuapi kiimah na paikawmin na namsau tawh satnen in. A omlai seh khat pen huihlakah lawn in. Keimah in ka namsau tawh tuate ka sat ding hi.

Jeremiah 48:2

Moab gam a minthanna beita hi. Heshbon khua-ah a galte un a simna ding uh vaihawm uh a, ‘Hong pai un, Moab gam i beimangsak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Jeremiah 34:17

Tua ahih manin Topa in kong cihin-ah: Mi khempeuh in na sanggam na mipihte uh khahkhia loin, suahtakna pia loin ka thu hong mang lo na hih uhleh, en un, Topa in kong cihin-ah, note hong khahkhia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khahkhia a, kong suaktasak hi. Leitung gam khempeuhte’ hong lipkhap dingin kong bawl hi.

Jeremiah 15:2

Amaute in, ‘Koi-ah pai ding ka hi uh hiam?’ ci-in hong dot uhleh hih bangin genkik in: ‘Topa in, “Pulnatna tawh a si dingte pul-in si ding uh a, namsau tawh a si dingte namsau-in si ding uh hi. Kial tawh a puksi dingte kialin si ding uh a, sala kikai dingte zong salin kikai ding uh hi,” a ci hi,’ va ci in.

Jeremiah 3:2

Khuadak inla mualsang dawnte en dih in. Hong kilup khoppih lohna mun koi laitakah om ahi hiam? Arab mite in a suam dingun gamlakah mi a ngak uh bangin lam gei-ah tu-in na luppih ding mi na ngak hi. Na paktatna le na gitlohna tawh hih gam na ninsakzo hi.

Isaiah 57:21

Migilote a dingin nopsakna om lo hi,” ka Pasian in a ci hi.

Siampi Laibu 26:33

Keimah in minam dangte lakah note kong thehthang ding a, keimah in namsau a paai panin dokin note kong delh ding hi. Na leitang uh gamkhing suak ding a, na khuapite uh a sia hi ding hi.

Thu-hilhkikna 32:42

Ka thaltangte si ka tawksak ding a, ka namsau in mi that ding hi. a kithatte le a kimante, kei hong langpangte, sugawp ding hi,’ a ci hi.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Jeremiah 4:27

Bang hang hiam cih leh Topa in, “Gam buppi, gamlak suak ding a, ahih hangin ka susia sam kei ding hi.

Jeremiah 16:5

“Bang hang hiam cih leh Topa in kong cihin-ah, mi’ kahna inn sungah lut kei unla, thumin kuamah va kah se kei un. Bang hang hiam cih leh lungnopna, itna lianpi, le ka hehpihna hih mite kiang panin ka lakhia khinzo hi, Topa in kong ci hi.

Jeremiah 25:11

Gam sung khempeuh kisia-in, gam simtham suak ding a, hih mite khempeuh kum sawmsagih sung Babylon kumpipa’ salin a om ding uh hi.

Jeremiah 30:5

“Topa in kong cihin-ah: Launa le patauhna aw ka za a, lungnopna aw ka za kei hi.

Jeremiah 46:10

“Bang hang hiam cih leh tuni pen Vanglian Topa Pasian’ ni hi a, phu a lakkik ni, a galte a thuk ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Kah la 3:17

Lungnopna, cidamna, kipahna cihte bang ahi hiam, cih mel ka thei nawn kei hi.

Ezekiel 21:4

Tua bangin kong thah nadingin leitaw lam pan leilu lam dongin mi khempeuh tungah ka namsau ka zang ding hi.

Ezekiel 21:28

“Mihing ahi Ezekiel aw, mailam thu gen inla, Topa Pasian ahi keimah in Israel mite a simmawhbawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin a kibawl hi.

Jeremiah 8:15

Nopna i zong a, nopna i ngah kei hi. Cidamna i lamen a, siatna bek i ngah hi.

Ezekiel 21:8

Topa in kei kiangah thu hong gen a,

Ezekiel 21:9

“Mihing ahi Ezekiel aw, mailam thu ding genkhol inla, Topa in hih bangin ci hi, ci-in gen in: Namsau khat kitat hiam a, hoihtakin kipuah kilkel hi.