Jeremiah 12:11 - Tedim Bible

¹¹ Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Tedim Bible Revision 2017

¹¹ Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Jeremiah 12:11 Referans Kwoze

Jeremiah 23:10

Bang hang hiam cih leh mun khempeuhah angkawmte a dim hi. Topa’ hamsiatna hangin gam sung tengah kahna dim a, gamlak lonona munte a keu mang hi. Amaute gamtatsia uh a, a vangliatna uh a man lopi-in a zang uh hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Jeremiah 14:2

“Judah gam kap a, a khuapite maimang dekdek hi. A mite in puan vom khu-in leilakah bok uh a, Jerusalem khua-a om mite’ kahna aw ging hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uhleh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsakzo hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Jeremiah 19:8

Hih khuapi a mulkimhuai le a simmawhhuai ka suaksak ding a, a kantan mi khempeuh in khuapi siatna hangin lamdangsa-in zahpihin a phitsan ding uh hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sungsuk in. Bang hang hiam cih leh amaute in Jakob’ suanlekhakte thatmang khinin amau’ tenna a susia khin uh hi.

Jeremiah 10:22

Ngai dih un, thu khat kigen hi. Judah khuapite gamlak a suaksak ding le se-alte’ khua a suaksak dingin leilu lam gam panin buaina lianpi khat hong pai hi.

Jeremiah 9:11

“Jerusalem khuapi ninkholna ka bangsak ding a, se-alte’ tenna mun ka suaksak ding hi. Judah gam khuapite gamlak ka suaksak ding a, kuamah teng nawn lo ding hi,” a ci hi.

Jeremiah 6:8

Jerusalem khuapi aw, kidawm in. Na kidop kei leh nang kong taisan ding a, kuama ten lohna gam simtham na suakkha ding hi,” a ci hi.

Isaiah 57:1

Thuman mipa si a, kuamah in tua thu ngaihsutin nei nawn lo hi. Kuamah in a theih loh kalin thutak mite si uh hi. Bang hang hiam cih leh tuahsiatna panin thuman mipa kilakhia a, nopsakna sungah amah tum hi.

Thuhilh-sia 7:2

Pawisimna sangin sigalna hoihzaw hi. Sih ding bek a ngak ahihna mihing khempeuh in a phawk ding uh kilawm hi.

ROM (Romans) 8:22

Tuhun ciang dong Pasian’ bawlsa khempeuh nupi nausuak ding bangin na sa-in a tauna uh i thei hi.

Siampi Laibu 26:32

Keimah in leitang ka siasak ding a, tua tungah a teng na galte un lamdangsa ding uh hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Jeremiah 4:27

Bang hang hiam cih leh Topa in, “Gam buppi, gamlak suak ding a, ahih hangin ka susia sam kei ding hi.

Jeremiah 4:28

Tua thu hangin leitung kap ding a, vantung mial ding hi. Bang hang hiam cih leh ka gensa, ka khensatsa hi a, ka kisik loh bangin ka lungsim zong ka kheelkik kei ding hi,” a ci hi.

Jeremiah 25:11

Gam sung khempeuh kisia-in, gam simtham suak ding a, hih mite khempeuh kum sawmsagih sung Babylon kumpipa’ salin a om ding uh hi.

Joel 1:10

Lo ante kisusia a, leengguite keutum hi. Oliv kungte keugaw a, lolai-ah bangmah om nawn lo ahih manin leitang lungzuangin a thum hi.

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?

Jeremiah 9:10

“Mualte a dingin kapin tau unla, gamlak lonona munte a dingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, vana leeng vasate le gamsate a taimangta uh hi.