Jeremiah 11:4 - Tedim Bible

⁴ Tua pen na pute na pate uh, sik haltuina meikhuk tawh a kibang Egypt gam pana ka lakkhiat ni-a ka thuciamna ahi hi. Tua ni-in, ka thu hong ngai-in kong thupiakna bangin na sep uhleh, note ka mi na hi ding uh a, kei pen note’ Pasian hi-in,

Tedim Bible Revision 2017

⁴ Tua pen na pute na pate uh, sik haltuina meikhuk tawh a kibang Egypt gam pan a ka lakkhiat ni-a ka thuciamna ahi hi. Tua ni-in, ka thu hong ngai-in kong thupiakna bangin na sep uh leh, note ka mi na hi ding uh a, kei pen noteʼ Pasian hi-in,

Jeremiah 11:4 Referans Kwoze

Thu-hilhkikna 4:20

Ahih hangin Topa in tuni-a bangin sik meikhuk tawh a kibang Egypt panin ama neih mi dingin note hong la-in hong paikhiatpih khin hi.

Siampi Laibu 26:12

Keimah, note’ lakah omin note’ Pasian ka hi ding a, note, keima mite na hi ding uh hi.

2 KORIN NIHNA 6:16

Pasian’ biakinn le lawkite’ milim bangci kilem theih ding ahi hiam? Bang hang hiam cih leh Pasian in, “Ka mite lakah tengin amaute tawh ka omkhawm ding hi. Kei pen amaute’ Pasian ka hi ding a, amaute, keima mi ahi ding uh hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amau’ Pasian ka hi ding a, amau tawh ka thuciamnate limtakin ka zui ding hi.

Jeremiah 24:7

Keimah Topa ka hihlam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amaute’ Pasian ka hi ding hi.

1 KUMPI MASATE 8:51

(Bang hang hiam cih leh amaute pen Egypt panin na paikhiatpih, sik meiphual sung panin na paikhiatpih nangma mi le nangma luah ahi uh hi.)

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kininsak nawn lo ding uh hi. Amaute’ mawhna le kei hong lehheknate panin ka suaktasak ding hi. Amaute a siangtho mi-in ka bawl ding a, amaute keima mi hi-in, kei, amaute’ Pasian ka hi ding hi.

Ezekiel 36:28

Tua ciangin na pu na pate uh tungah ka piaksa gamah na teng ding uh a, note pen keima mi hi-in, kei pen note’ Pasian ka hi ding hi.

Ezekiel 14:11

Israel mite in kei hong nusiat loh nading le a mawhna uh tawh a kinitsak loh nadingun hih bangin ka hih ding hi. Amaute pen keima mi hi ding uh a, kei pen amaute’ Pasian ka hi ding hi. Topa Pasian ahi keimah in hih thu ka gen hi,” a hong ci hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute pen keima mi hi-in, kei pen amaute’ Pasian ka hi ding hi.

Jeremiah 30:22

Tua ciangin note, ka mite na hi ding uh a, kei pen note’ Pasian ka hi ding hi,” a ci hi.

Jeremiah 26:13

Tua ahih manin tu-in na nuntak dante uh le na gamtatziate uh kheel unla, Topa na Pasian uh thu ngai un. Tua hileh Topa in note’ kisiatna ding a gensa thu a kheelkik ding hi.

Thu-hilhkikna 11:27

Tuni-a kong gen, Topa na Pasian uh thupiaknate na zuih uhleh thupha hi a,

Siampi Laibu 26:3

“Note in ka thukham zui-in, ka thupiaknate mangin tuate na sep uhleh,

Piancilna 17:8

Nangma tung le nang’ khit cianga na suanlekhakte tungah tawlkhat na omna Kanaan leitang khempeuh na neih tawntung dingun kong pia ding a, kei pen amaute’ Pasian ka hi ding hi,” a ci hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Zekhariah 6:15

Gamlapi-a a teng mite hong pai-in Topa’ innlam nasep hong huh ding uh hi. Tua biakinn a kilamkik ciangin Vanglian Topa in note kiangah kei a hong sawl ahihna thu na thei ding uh hi. Topa na Pasian uh’ thupiaknate cingtakin na zuih nak-uhleh tu-a ka gen bangin a hong piang ding ahi hi.

Ezekiel 37:27

Amaute tawh tengkhawmin, amaute’ Pasian ka hi ding a, amaute pen keima mite hi ding uh hi.

Jeremiah 32:28

Tua ahih manin, Topa in kong cihin-ah: En in, hih khuapi Khaldea mite’ khutsung le Babylon kumpipa Nebukhadnezzar’ khut sungah ka pia ding a, amah in a la ding hi.

Isaiah 48:10

Meikhuk sungah ngun a kisiansak bangin gimna meikhuk sungah note kong ze-et hi. Ahi zongin note bangmahin a kimang lo na hihna uh hong kimu khin hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topa’ thu man’ ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi.

Paikhiatna 20:6

ahih hangin kei hong itin ka thupiakte a zui mi a tul tampite tungah itna kip a lak pa ka hi hi.

Isaiah 30:6

Negeb gam a om ganhingte tawh kisai thu hih bangin gen hi: Amaute in humpinelkai nu le humpinelkai pa, gul gunei le a leeng thei gulpi a omna, lungkhamna le gimna gam nawkin, amau’ hauhnate la nungzangah amau’ sumte kalaoh tungah suanin, amaute tungah phattuamna bangmah a pia thei lo mite tungah a puak uh hi.

Jeremiah 11:7

Bang hang hiam cih leh Egypt gam panin ka lakkhiat pan a kipan tuni ciang dong ka thu hong mang un, ci-in na pute na pate uh tungah tam veipi nakpitakin ka hilh ngitnget hi.

Jeremiah 38:20

Kei zong, “Amaute’ kiangah nang hong kipia lo ding hi. Tu-a kong gen bangin Topa’ thu mang in. Tua hileh nang a dingin hoih ding a, na nuntakna hong kimap ding hi.

Daniel 3:26

Tua ahih ciangin Nebukhadnezzar zong mei phualpi kong gei-ah paito a, “Shadrak! Meshak! Abednego! A lianpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Thu-hilhkikna 5:6

“‘Kei pen salsuahna Egypt leitang panin note a hong paikhiatpih Topa na Pasian uh ka hi hi.

2 KUMPI NIHNATE 18:6

Bang hang hiam cih leh amah in Topa kiptakin len hi. Amah zuihna panin kihemkhia lo a, Topa in Moses tungah a gen thupiaknate a zui hi.