Jeremiah 11:21 - Tedim Bible

²¹ Tua ahih manin kei hong that nuamin, “Topa’ min tawh thu hilh kei in. Na hilh leh kote’ khutlumin na si ding hi,” a hong ci Anathoth khuamite tawh kisai-in

Tedim Bible Revision 2017

²¹ Tua ahih manin kei hong that nuamin, “Topaʼ min tawh thu hilh kei in. Na hilh leh koteʼ khutlumin na si ding hi,” a hong ci Anathoth khua mite tawh kisai-in

Jeremiah 11:21 Referans Kwoze

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Isaiah 30:10

Amaute in thu mutheite tungah, “Mu kei un,” ci uh a, kamsangte tungah, “Kote’ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Luka 4:24

Tua ciangin Jesuh in a thugen zomlai a, “Ke’n kong cihin-ah, kamsang a kuamah peuh ama khua-ah kipakta ngei lo hi.

Mattiu 22:6

adangte in a nasemte manin a na satgawp khit uh ciangin a na that uh hi.

Mattiu 21:35

Lo khawhlawhte in a nasemte na manin khat na satgawp uh a, khat na thatin, khat suang tawh na denggawp uh hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Micah 7:6

Tuhun ciangin tapate in a pate haibawl a, tanute in a nute langpan’ uh a, mote in a teeknu uh langneih uh hi. Mi khat a dingin ama innkuanpihte mah a gal a suak mawk hi.

Jeremiah 26:8

Mi khempeuh tungah Topa in gen dingin a sawlteng Jeremiah in a gen khit ciangin siampite, kamsangte, le mi khempeuhte in amah man uh a, “Nang na sih ding kilawm hi.

Jeremiah 1:1

Benjamin gam Anathoth khua-a siampi khat ahi Hilkiah’ tapa Jeremiah’ thugente hih bang ahi hi.

Jeremiah 32:7

En in, na pano Shullam’ tapa Hananel nang kiangah hong pai ding a, ‘Anathoth khua-a ka lo hong lei in. Bang hang hiam cih leh a lei thei ding lak panin ka kinaipih pen nangmah na om hi,’ ci-in hong gen ding hi, hong ci hi.

Jeremiah 34:20

A galte’ khut sungah amaute ka pia ding a, a thatnuam mite’ khut sungah ka pia ding hi. A luanghawmte uh vana vasate le leitung a gamsate’ an a suak ding uh hi.

Jeremiah 1:19

Amaute in nang’ langkhatah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cihin-ah, nangmah a hong hu dingin ka hong ompih ding hi,” a hong ci hi.