Jeremiah 11:19 - Tedim Bible

¹⁹ A kigo dingin a kipaipih mawhna a nei lo tuuno bang ka hi hi. Amaute in, “Singkung a gahphat hun laitakin phuktan ni. Ama min a kiphawk nawn loh nadingin amah thatlum ni,” ci-in a gen uh a, kei hong sawmna uh ahihlam ka thei kei kha hi.

Tedim Bible Revision 2017

¹⁹ A kigo dingin a kipaipih mawhna a nei lo tuuno bang ka hi hi. Amaute in, “Singkung a gah phat hun laitakin phuk tan ni. Ama min a kiphawk nawn loh nadingin amah that lum ni,” ci-in a gen uh a, kei hong sawmna uh ahih lam ka thei kei kha hi.

Jeremiah 11:19 Referans Kwoze

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Late 83:4

Amaute in, “Hong pai un, minam khat hihna panin amaute beisak ni. Israel min peuhmah kiphawksak nawn kei ni!” ci uh hi.

Late 31:13

Ka galte’ kihuauna ka za a, ka kiim ka pamah launa om hi. Kei hong langpangin amaute in vai hawmkhawm a, thah dingin kei hong sawm uh hi.

JOB (Job) 28:13

“Mihingte in a kimuhna ding a lampi thei lo uh a, mihingte’ gam sungah zong a lampi om lo hi.

Late 27:13

A hingte’ gam sungah Topa’ hoihna a mu dingin kei ka ki-um hi.

Gamlak-vakna 1:14

Gad sung panin Deuel’ tapa Eliasaf;

Isaiah 38:11

A hingte’ gam sungah Topa ka mu nawn kei ding a, leitung a a teng mite’ lakah mihing ka en nawn kei ding hi, ka ci hi.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

Paunak 10:7

Mihoihte kiphawkphawk a, migilote kimangngilh pah hi.

Paunak 7:22

Tua ahih manin a kigo ding bawngtal in a sih nading mun a zuat bangin, sakhi in a awkna ding thang zuanin a dian’ laklak bangin,

Late 116:9

Tua ahih ciangin mihingte’ omna leitung, Topa’ mai-ah nungta-in ka vak kawikawi hi.

Late 109:13

Ama suanlekhakte bei hen la, khang khat sungin a vangliatna maimang tahen.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

Late 142:5

Topa aw, nang tungah kong kiko hi. Nang pen keima belh na hi a, a hingte’ leitangah keima tanh na hi hi, ka hong ci hi.

Late 112:6

Amah kiling lo taktak ding a, kiphawk tawntung ding hi.

Late 52:5

Tua ahih manin Pasian in nang hong susia paisuak ding hi. Amah in nang hong bawhin na buk sung panin hong kaikhia ding a, a hingte’ leitang panin hong zunglot ding hi.

Late 35:15

Ahih hangin kei ka tukna-ah amaute nuamin kikhawm uh a, kei simmawh dingin kikaikhawm uh hi. Ka theih ngei hetloh khebaite nangawn in tawlnga hetloin kei hong gensia niloh uh hi.

Jeremiah 26:8

Mi khempeuh tungah Topa in gen dingin a sawlteng Jeremiah in a gen khit ciangin siampite, kamsangte, le mi khempeuhte in amah man uh a, “Nang na sih ding kilawm hi.

Kah la 3:60

Ka galte’ hong muhdahna le a vaihawm simna thute uh na thei khinzo hi.

Ezekiel 32:24

“Elam zong, a kimkotah a galkapte’ han tawh, tua lai mahah om hi. Amaute khempeuh gal sungah a si uh hi a, misite’ gam Leinuai-ah Pasian a thei loin paisuk uh hi. A hin lai-un mi khempeuh a lausak ngeite hi uh a, ahi zongin tu-in amaute si-in mindai-in a om uh hi.

Paunak 24:15

Migilote’ gamtat bangin thuman mite’ omna sugawp kei inla, amau’ tenna inn luhgawp kei in.

Jeremiah 1:19

Amaute in nang’ langkhatah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cihin-ah, nangmah a hong hu dingin ka hong ompih ding hi,” a hong ci hi.

Hosea 9:8

Ama mi Israel-te a vil dingin kamsang nasemin Pasian in kei hong sawl hi napi-in, ka paina khempeuhah vasa bangin thang nong siah uh a, Pasian’ gam sung teekteek mahah mite pen kamsangpa’ gal a suak mawk hi.