Jeremiah 11:14 - Tedim Bible

¹⁴ “Tua ahih manin Jeremiah aw, hih mite a’ ding thu ngetsak kei in la, amau’ tangin thumsak kei in. Bang hang hiam cih leh amaute in gim ngahin hong sap uh ciangin ka ngai kei ding hi.

Tedim Bible Revision 2017

¹⁴ “Tua ahih manin Jeremiah aw, hih mite ading thu ngetsak kei inla, amauʼ tangin thumsak kei in. Bang hang hiam cih leh amaute in gim ngahin hong sap uh ciangin ka ngai kei ding hi.

Jeremiah 11:14 Referans Kwoze

Jeremiah 7:16

“Jeremiah aw, hih mite a dingin thu ngetsak kei in. Amau a dingin kapin kei’ tungah hong thumsak kei in. Bang hang hiam cih leh nong thumna kong ngai kei ding hi.

Jeremiah 11:11

Tua ahih ciangin Topa in kong cihin-ah, en un, a pelh theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama a dingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna a hilote ka cihna ahi hi. Ahi zongin sih nading zah ciang ahi mawhna om a, tuate a’ ding ngetsak un, a ci ka hi kei hi.

Jeremiah 14:11

Topa in kei kiangah, “Hih mite in thupha a ngah nadingin thu hong ngen nawn kei in.

Paikhiatna 32:10

Tua ahih ciangin tu-in amaute tungah ka sinso-in amaute ka beisak theih nadingin kei guak hong omsak in. Ahi zongin nang ahihleh minam lian khatin kong bawl ding hi,” a ci hi.

Late 66:18

Ka lung sungah mawhna kem leng, Topa in keima thu hong ngai lo ding hi.

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai-ah hong dingin hong thum uh zongin hih mite ka hehpih tuan kei ding hi. Ka muhna panin hawlkhia unla, paikhia sak un.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Vanglian Topa in ci hi.

Malakhi 2:13

Note’ gamtatna adang khat omlai hi. Tua pen, note’ paipih biaknate hong sang nawn lo ahih manin Topa’ biakna tau, khitui tawh na kawtsak uh a, kapin thumin na om uh hi.

Jeremiah 14:12

An a tan’ uh hangin amau’ thumna ka ngai kei ding a, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisakzaw ding hi,” hong ci hi.