Jeremiah 10:8 - Tedim Bible

⁸ A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Tedim Bible Revision 2017

⁸ A mipilte uh mihai mi mawl ahi uh hi. Sing milim in amaute bangci-in hilh thei mah ding ahi hiam?

Jeremiah 10:8 Referans Kwoze

Zekhariah 10:2

Mihingte in milim peuh thudotin nei uh a, a thu ngahte uh zuauthu le a mawkna hi lel hi. Mang khiathei-a kineite in lam lakkhial uh a, amau’ hehnepnate a mawknapi hi lel hi. Tua ahih manin tuu bangin mite mangthang uh a, makai a neih loh manun gimna a ngah uh hi.

Jeremiah 10:14

Mi khempeuh hai-in pilna nei lo khin uh a, kham seekte khempeuh in a milimte uh a maizumlawh uh hi. Bang hang hiam cih leh a milimte uh zuau hi lel a, nak thei lo uh hi.

Habakkuk 2:18

Milim, banga kimang ahi hiam? Mihingte’ bawltawm na khat hi lel a, thuman hong gen thei lo hi. Tua bangin a pau thei beek lo pasian a bawlpa in muanin a neih bang phatuam ahi hiam?

Isaiah 44:19

A kimkhat meikhukah cihin, a aam tungah moh zong ka em a, sa hangin ka ne khinzo hi. A omlai teng a kihhuai-in bawl buang ding ka hi hiam? Sing bek khat mai-ah kun buang ding ka hi hiam, a ci ding, thu a ngaihsun, theihna le thumuhna a nei khat beek om lo hi.

Isaiah 41:29

Amaute khempeuh zuaupi vive hi a, amau’ nasepnate a mawkna ahi hi. A kisung amau’ milimte pen huih hawmpi bang ahi uh hi.

Late 135:18

Milim a bawl mite pen milim mah bangsak in. Milim a muang khempeuhte zong tua milimte mah bangsak in.

Late 115:8

Tuate a bawlte le tuate a muangte khempeuh pen tuate mah tawh kibang uh hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Hosea 4:12

Ka mite in aisanin singthem peuh thudotin nei uh a, amau’ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Jeremiah 5:4

Tua ciangin keimah in, “Hih mite mihai hi a, a hehpihhuai ahi hi. Topa’ lampi thei lo uh a, amau’ Pasian’ deihna a thei kei uh hi.

Jonah 2:8

Kimanna a nei lo milim a biate in nangmah hong taisan uh hi.