Jeremiah 10:2 - Tedim Bible

² Topa in hih bangin ci hi: “Gamdangte’ omdan ciing kei unla, vantung a lim lamdangte lunghihmawhna-in ngaihsun kei un. Bang hang hiam cih leh gamdang mite in tuate a lunghihmawhpih uh hi.

Tedim Bible Revision 2017

² Topa in hih bangin ci hi: “Gamdangteʼ om dan ciing kei unla, vantung a lim lamdangte lunghihmawhna-in ngaihsun kei un. Bang hang hiam cih leh gamdang mite in tuate a lunghihmawh pih uh hi.

Jeremiah 10:2 Referans Kwoze

Siampi Laibu 20:23

Note’ mai-ah keimah in ka paihkhiat minamte’ ngeinate na zui kei ding uh hi. Amaute in hih nate khempeuh hih uh ahih manin amaute ka kih hi.

Siampi Laibu 18:3

Note na tenna uh Egypt gamah amaute a gamtat bangin note na gamta kei ding uh a, note kong paipihna Kanaan gamah zong amaute a gamtat bangin note na gamta kei ding uh hi. Note in amau’ gamtatnate na zui kei ding uh hi.

Ezekiel 20:32

Note in na lungsim ngaihsutna uh khentat khinin, gam dangah a teng minam dangte mah bangin sing le suang na bia nuam uh hi. Ahi zongin note’ utbang hithei ngei lo ding hi.

Piancilna 1:14

Pasian in, “Sun le zan a khen dingin vantungah khuavakte om hen; tuate pen pawi hun le khuahun, ni le kumte khen nading hi hen la,

Thukhente 6:10

Tua ciangin note kiangah, ‘Kei pen Topa na Pasian uh ka hi hi. Na tenna uh Amor mite’ pasian-te zahtakna na pia kei ding uh hi,’ kong ci hi. Ahih hangin note in ka thu na ngai kei uh hi, ci hi,” a ci hi.

Jeremiah 10:1

Israel mite aw, note hong hopihna Topa’ kammal ngai dih un.

Thu-hilhkikna 18:9

“Topa na Pasian un note hong piak leitangah na tun uh ciangin, tua minamte’ gamtatna a kihhuaite zuih ding na kisin kei ding uh hi.