Jeremiah 10:16 - Tedim Bible

¹⁶ Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Tedim Bible Revision 2017

¹⁶ Jakobʼ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Jeremiah 10:16 Referans Kwoze

Thu-hilhkikna 32:9

Ahi zongin Topa’ tanh pen ama mite hi a, Jakob’ suante pen a kipia ama luah ahi hi.

Jeremiah 32:18

Nangmah in a kikheel ngei lo itna mi tul tampite’ tungah na lak a, ahih hangin pate’ mawhnate tate’ tungah na thuk hi. Vanglian Topa a kici a lian mahmah, a hat mahmah Pasian aw,

Jeremiah 31:35

Topa in sun-a khuavak dingin ni hong pia a, zan a khuavak dingin a kikheel ngei lo kha le aksite hong pia hi. Tuipi a lawh ciangin tuihualte ging zuazua a, ama min pen Vanglian Topa kici hi.

Jeremiah 51:19

Jakob’ Pasian tua bang hi lo a, na khempeuh a piangsak pa ahi hi. Ama a dingin Israel mite teel a, ama min pen Vanglian Topa ahi hi.

Jeremiah 10:12

Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Late 119:57

Topa pen keima tanh ahi hi. Na thute zuih ding ka kiciam hi.

Late 74:2

Tanglai-in na ngahsa na mihonte, nangma luah minam dingin na tatkhiatsate phawk in! Na tennasa Zion Mual hong phawk in.

Kah la 3:24

Topa longal neihdang nei lo ka hih manin ama tung bekah lametna ka nei hi.

Late 135:4

Bang hang hiam cih leh Topa in ama a dingin Jakob teel a, ama neihsa dingin Israel teel khinta hi.

Jeremiah 50:34

Ahih hangin amaute a honkhia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute a dingin a sem ding hi.

Isaiah 45:7

Keimah in khuavak le khuamial piangsakin, a pha nate le a sia nate ka piangsak a, hih nate khempeuh a bawlpa, keimah Topa ka hi hi,” a ci hi.

Late 73:26

Ka lungsim le ka pumpi zawngkhal kha ding a, ahih hangin Pasian pen ka lungsim hatna le keima a’ hi tawntung ding hi.

Paikhiatna 19:5

Tua ahih ciangin tu-in note in ka thu mangin ka thuciamna na zuih uhleh mite khempeuh lak panin note pen keima mi na hi ding uh hi. Bang hang hiam cih leh leitung khempeuh keima a’ hi a,

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Isaiah 51:15

“Bang hang hiam cih leh kei pen tuipi tokgawpin tuihualte a hawksak Topa, note’ Pasian ka hi hi. Keima min pen Vanglian Topa ahi hi.

Isaiah 47:6

Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngong bawl mahmah hi.

Isaiah 47:4

Israel-te’ Siangtho Pa in eite hong suaktasak a, ama min pen Vanglian Topa ahi hi.

Paunak 16:4

Topa in na khempeuh ngimna nei-in bawl a, migilote nangawn siatna a thuak dingin a bawl ahi hi.

Late 142:5

Topa aw, nang tungah kong kiko hi. Nang pen keima belh na hi a, a hingte’ leitangah keima tanh na hi hi, ka hong ci hi.

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Jeremiah 33:2

“Leitung bawlin a kipsak Topa, a min Topa a kici Topa in kong genin-ah:

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Zekhariah 2:12

Judah mite pen gam siangtho sungah Topa’ neihtuam hong suakkik ding a, Jerusalem khua pen ama it penpen khuapi hong hi kik ding hi.

Paikhiatna 34:9

Amah in, “Tu-in na muhna-ah maipha ka muh leh, Topa aw, kong thum hi; lungkhauh mite ka hita uh zongin kote’ kiangah Topa hong pai in. Kote’ mawhna le kote’ khialhna hong maisak inla, nangma mi dingin kote hong sang in,” a ci hi.

Late 33:6

Topa’ kampauna tawh vantung piang a, a kam pana husanna tawh vantung nate a piang hi.

Isaiah 19:25

Vanglian Topa in, “Ka mihingte ahi Egypt, ka khut tawh ka bawlsa ahi Assiria, le keima luah ahi Israel mite in thupha ngah ta hen,” ci-in thupha a piakte hi ding uh hi.

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sangzaw-in, Karmel mual, tuipi tungah sangpi-in a dawktoh bangin, no hong sim pa’ thahatna a lian mahmah ding hi.