Jeremiah 10:12 - Tedim Bible

¹² Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Tedim Bible Revision 2017

¹² Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Jeremiah 10:12 Referans Kwoze

JOB (Job) 9:8

Amah bek in vanpi zal a, tuipi tuihualte tuancil hi.

Piancilna 1:1

A kipat cil-in Pasian in vantung le leitung a piangsak hi.

Paunak 3:19

Topa in pilna tawh leitung bawl a, a theihtelna tawh vantung a bawl hi.

Isaiah 40:22

Leitung a a teng mite kauphe tawh kibang lel hi. Leitung kimkot tungah a tupa, vantungte puan bangin zalin, a sungah a om theih nadingin puanbuk bangin a zal pa,

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimuthei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khrih a dingin amahmah zangin a piangsak hi.

Johan 1:3

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi.

Late 24:2

Bang hang hiam cih leh amah in tuipite sungah a bul phut a, tui tungah a kipsak hi.

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Jeremiah 10:13

Amah a pau ciangin vantungah tuite ging hunhun a, leimong panin tuikhu a suaksak hi. Guahzuk nadingin khua phiasak a, huihkua panin huih a nungsak hi.

Isaiah 49:8

Topa in ama mite kiangah, “Note hotkhiat ding hun a hong tun ciangin maipha kong pia ding a, huhna nong ngetna uh ka hong pia ding hi. Note hong kemin ka hong hu ding a, note’ tungtawnin mi khempeuh tawh thuciamna ka bawl ding hi. A kinusia na gam sung uhah note kong tengsakkik ding hi.

Isaiah 48:13

Ka khut in leitung bulpi koih a, ka khut taklam in vantungte zal hi. Amaute ka sap ciangin amaute omkhawm pah uh hi.

Isaiah 45:18

Vantungte a piangsak pa (amah Pasian!) Leitung piangsakin a bawl pa (a kipsak pa; a awngthawl dingin bawl loin, ten nadingin leitung a piangsak pa!) Topa in hih bangin ci hi: “Kei pen Topa ka hi a, kuamah dang om lo hi.

Isaiah 45:12

Keimah in leitung ka bawl a, tua tungah mi ka piangsak hi. Keima khut in vantungte zal a, keimah in vantung na honpite khempeuh thu ka pia hi.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Late 104:24

Topa aw, na sepsa nate tam mahmah hi. Nangmah in ciimna tawh tuate khempeuh na bawl a, na piansak ganhingte tawh leitung a kidim hi.

Late 33:6

Topa’ kampauna tawh vantung piang a, a kam pana husanna tawh vantung nate a piang hi.

Paunak 30:4

Vantungah kua kahto a, leitungah kua hong kumsuk kik ahi hiam? Kua in a khut sungah huihte lomcip a, puan tawh tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh a tapa’ min bang ahi hiam?

Late 119:90

Nangma thumanna khang tawntungin kip hi. Nangmah in leitung na kipsak a, om tawntung hi.

Late 78:69

A kip den dingin a phuhsa leitang bang leh, a vantung inn bangin ama biakinn a lam hi.

JOB (Job) 26:7

Pasian in mun awng tungah vanpi hong zalkhia a, bangmah in a len lopi-in leitung a khai lingleng hi.

Late 104:2

Puanza tawh tuam bangin khuavak tawh na kituam a, vantungte pen puanbuk bangin na zal hi.

Late 93:1

Topa in uk a, vangliatna kumpi puan kisilhsak hi. Topa, kumpi puan kisilhsak a, thahatna tawh amah kidim hi. Leitung kikipsak a, kiling ngei lo ding hi.

Piancilna 2:5

Topa Pasian in leitungah guah zusak nai lo a, leitang a kho ding mi om lo ahih manin gam sung kungnote lei sungah om nai lo a, lo sung ankungte pokhia lo hi.

JOB (Job) 37:18

Limlang bangin a sak mahmah van peekpi ama hih bangin zalzo na hi hiam?

Isaiah 37:16

“Vanglian Topa, Israel-te’ Pasian, Kherub-te tunga a tupa aw, nangmah bek, leitung kumpi gam khempeuhte’ Pasian na hi hi. Nangmah in vantung le leitung na bawl khin hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

1 KHANG TANGTHU MASATE 16:26

Bang hang hiam cih leh minam dangte’ pasian-te milim hi lel a, ahih hangin Topa ahihleh vantungte a bawlpa ahi hi.

Late 65:7

tuipi gingte, tuihualte, mi gamlumte a daisak pa aw,

Jeremiah 14:22

Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.