Jeremiah 10:11 - Tedim Bible

¹¹ Amaute’ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Tedim Bible Revision 2017

¹¹ Amauteʼ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Jeremiah 10:11 Referans Kwoze

Late 96:5

Bang hang hiam cih leh minam dangte’ pasian khempeuh milim hi lel a, ahih hangin Topa ahihleh vantungte a bawlpa ahi hi.

Isaiah 2:18

Milimte khempeuh mangthang khin ding hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn uh phawkkha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Kah la 3:66

Amaute delhkek inla, leitung panin nuaimang gawp in,” ci ni.

Jeremiah 51:18

Kimanna a nei lo, a haihuaipi hi a, gim a kipiak ni ciangin a kisia ding uh hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.

Mangmuhna 20:2

Amah in tanglai gulpi, Dawimangpa ahih kei leh Satan zong a kici pa manin kum tulkhat sung a hencip hi.

1 SAMUEL MASA 5:4

Ahih hangin a zing ciang zingsang tungin amaute a thawh uh ciangin Topa’ Thuciamna Singkuang mai leilakah Dagon na maipuk leuleu a, Dagon lutang le a khut tegel kitankhia-in sangkil gei-ah om a, Dagon a pumpi bek omlai hi.

Isaiah 57:12

Nangma gamtatna a manin na ngaihsunkha hi. Ahih hangin na gamtatnate ka pholak ding a, na milimte in nang hong huh zo lo ding hi.

Jeremiah 43:12

Egypt pasian-te a kibiakna biakinnte hal ding a, a pasian-te uh halin a puakhia ding hi. Tuucingte in a puan tung uha om khahte paai-in a siansak uh bangin amah in Egypt gam siangsak ding a, tua khit ciangin ngaihmuang takin a ciahkik ding hi.

Jeremiah 43:13

Amah in Egypt gam Heliopolis khua-a mual suangte susia ding a, Egypt pasian-te a kibiakna innte mei tawh a halsak ding hi, ci hi,’ ci-in va gen in,” hong ci hi.

Jeremiah 50:2

“Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Ezekiel 30:13

“Milim khempeuh ka susia ding a, Memfis khuapi-ah a om pasian man lote ka beisak ding hi. Egypt gam a uk ding kuamah om nawn lo ding a, mi khempeuh lausakin ka lingsakgawp ding hi.