Jeremiah 10:10 - Tedim Bible

¹⁰ Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Tedim Bible Revision 2017

¹⁰ Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiliing a, gamte in a hehna nang zo lo hi.

Jeremiah 10:10 Referans Kwoze

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai-ah kua ding ngam nawn ding ahi hiam?

Nahum 1:6

Ama hehna kua in nangzo ding a, ama lunghamna kua in thuakzo ding ahi hiam? A hehna, meikuang bangin hong khahkhia a, ama mai-ah suangtumpite kitamzan hi.

Late 42:2

A nungta Pasian kong deih hi. Cik ciangin kei hong pai-in Pasian’ maitang hong mu thei ding ka hi hiam?

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Late 31:5

Nangma khut sungah keimah kong ki-ap hi. Topa, a thuman Pasian aw, keimah na hong hon ding hi.

Late 10:16

Topa, a tawntungin kumpi hi a, ama leitang panin minam dangte beimang ding hi.

Late 18:7

Ama hehna hangin leitung kipumpei-in kivei a, mual bulpite zong kisingin ling damdam hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Hebru 10:31

A nungta Pasian’ khut sungah thumang loin i tunkhak ding a lauhuai mahmah ahi hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

1 THESALONIKA MASA 1:9

Note kiangah ka hong pai lai-un kote na hong limbawlna thu uh, le a nungta a man Pasian’ thu zui-in a bia ding le,

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Malakhi 3:2

Ahi zongin ama hong pai ni ciangin kua in thuakzo ding a, amah hong kilaak ciangin kua nungtazo ding ahi hiam? Amah pen, sikte a siangthosak mei, le puante a siangthosak satpiang tawh kibang hi.

Habakkuk 3:6

Amah a khawl ciangin leitung ling a, amah in a et ciangin minam khempeuh ling uh hi. Tangtawng lai-in a totsa, tanglai mual liante kitam kham a, a om tawntung mual neute kimetcip hi.

Micah 1:4

Meikhuk sungah khuainun a kikoih bangin ama khenuai-ah mualliante tuisuak ding a, mualtung panin tui a luangsuk bangin, guam sungah tua mualte luangsuk ding hi.

Late 146:6

Amah in van le lei, tuipi le tuate sungah a om khempeuh bawl a, a tawntungin thuman hi.

Late 145:13

Nangma kumpi gam pen a kip tawntung kumpi gam hi a, nangma ukna khang tawntungin a kip hi. A thuciamna khempeuhah Topa thutak mahmah a, a gamtatna khempeuhah zong hehpihna a nei ahi hi.

Late 114:7

Leitung aw, suangpi, bualtui suaksak a, meisuang, ciktui a suaksak, Jakob’ Pasian’ omna, Topa’ omna-ah ling in.

Late 97:4

Ama khuaphialepte in leitung taangsak a, leitung in mu-in a ling hi.

Late 93:2

Tanglai pek panin na tokhom a kipsa hi a, nang pen a tawntung a om na hi hi.

Late 90:11

Nang hong kizahtak nadingin na sinsona’ vangliatna kua in thei a, na hehna’ husiatna kua in thei ahi hiam?

Late 84:2

Ke’n ka lunggulh mahmah hi. Topa’ huangsung ka lunggulh mahmah a, ka lungsim le ka pumpi a nungta Pasian’ tungah lungdam mahmahin la a sa hi.

Late 77:18

Na vanging lianpi pingpei sungah omin, khuaphialepte in leitung taan a, leitang linggawpin a kising damdam hi.

JOB (Job) 9:6

Amah in leitung lokgawp a, a khuampite kiling hi.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

1 KUMPI MASATE 18:39

Mi khempeuh in tua thu a muh uh ciangin a mai uh leilam ngatin puk uh hi. Amaute in, “Topa pen Pasian ahi hi; Topa pen Pasian ahi hi,” a ci uh hi.

1 SAMUEL MASA 17:36

Na nasempa in humpinelkai le vomte that khin ngei hi. Amah in a nungta Pasian’ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

1 SAMUEL MASA 17:26

David in ama kianga ding mite kiangah, “Hih Filistia-pa thatin Israel-te’ tung panin hih mindaina a beisak pa a dingin bang kihih ding ahi hiam? A nungta Pasian’ galkapte a to dingin hih dawibia Filistia-pa kua ahi hiam?” a ci hi.

Thukhente 5:4

Topa aw, Seir panin na paikhiat ciang, Edom gam panin na paikhiat ciang, leitung ling a, vantung panin guah zu hi. Hi hi, meiite in tui hong khia a,

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in a nungta lai kua om ahi hiam?

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Mattiu 26:63

Jesuh pau loin a om hi. Tua ciangin siampi lianpen pa in, “Pasian’ Tapa, Khrih na hih leh na hihloh nong gen nadingin a nungta Pasian’ min tawh khauhtakin ka hong sawl hi,” a ci hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Habakkuk 3:10

Mual liante in nang hong muh ciangin ling uh a, van panin guah tampi hong zu hi. Leinuai-a om tuite ging zuazua a, tuihualte in a sangpipi banto hi.

Joel 2:11

Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?

Daniel 7:14

Amah in vangliatna, minthanna, le kumpi za ngah ahih manin minam kimte, minam tuamtuamte, paunam tuamtuamte khempeuh in ama na a sem ding uh ahi hi. Amah in a tawntungin uk ding a, a kumpi gam a bei ngei kei ding hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo ding a, a vangliatna a bei ngei kei ding hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.

Daniel 4:3

“Pasian’ hong lah na lamdangte, bangzahin lian ahi hiam? A bawl na lamdangte, bangzahin vanglian ahi hiam? A tawntungin Pasian kumpi hi ding a, amah in a tawntungin a uk paisuak ding hi.

Jeremiah 23:36

‘Topa’ thugen pen vangik khat ahi hi,’ ci-in na gen nawn kei ding uh hi. Bang hang hiam cih leh note’ thugente, note’ vangik ahi zaw hi. Note in eite’ Pasian ahi a nungta Pasian, Vanglian Topa’ thugennate na lumletgawp uh hi.

Isaiah 37:17

Topa aw, na bil hong ngat inla hong za in. Topa aw, na mit hak inla hong mu in. Sennakherib in a nungta Pasian a zahkona, hong khak hih thute khempeuh za in.

Isaiah 37:4

A nungta Pasian a zahko dingin ama topa, Assiria kumpipa in a sawl a ulianpa’ thugente, Topa na Pasian in za hen la, tua bang thu a gente gim pia tahen. Tua ahih ciangin a omlai i mite a dingin thu ngen in,’ ci hi,” ci-in a gen uh hi.

Late 68:11

Topa in thu pia hi: Hih thu a pua mihonte tam mahmah uh a,

Piancilna 21:33

Abraham in Beersheba-ah makeng kung khat suan a, tua lai munah Tawntung Pasian, Topa a bia hi.

1 KUMPI MASATE 8:60

Tua hileh mi khempeuh in Topa pen Pasian hi, ci-in thei ding uh a, kuamah dang a om lohna phawk ding uh hi.

Late 29:10

Topa in tui thukpite uk a, a tawntung kumpi hihna tawh Topa a tu hi.

Late 68:8

nangmah Pasian na om manin lei kiling gawpin vantungte in guah a zusak hi. Pasian ahi, Israel Pasian’ omna-ah Sinai mual nangawn a kiling gawp hi.

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Isaiah 40:15

En un, minamte pen phelkhai khat panin tuimal themkhat a taakkhia tawh kibang a, tawitehna tungah a om leivui nengbaang bangin kingaihsun lel hi. Amah in tuikulhte pen leivui them bangin tawmto lel hi.

Isaiah 65:16

Leitungah thupha a kipiak ding a ngen pa in thuman Pasian min tawh thupha a kipiak ding ngen ding a, leitungah thuciamna a lapa in thuman Pasian min tawh a ciam ding hi. Bang hang hiam cih leh a beisa huna haksatnate khempeuh kimangngilh khinta a, tuate beimang khinta hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

Jeremiah 4:24

Mualte ka et leh kiling damdam uh a, mual neute kileh kawikawi uh hi.

Jeremiah 50:46

A pukna uh gin’ ngaihlua ahih manin leitung a kiling ding hi. A kahna aw uh gam khempeuhah a kiza ding hi,” a hong ci hi.

Jeremiah 51:29

Babylon gam in na sa-in, kitomin a ling hi; bang hang hiam cih leh ama tungah Topa’ ngimna tangtung a, Babylon gam gamsimtham suaksak a, kuamah a tengsak kei hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin note’ mai panin Kanaan mite, Hit mite, Hiv mite, Perez mite, Girgash mite, Amor mite, le Jebus mite hawlkhia ding hi.

1 KHANG TANGTHU MASATE 29:11

Topa aw, liatna, vangliatna, minthanna, gualzawhna, le min liatnate nangma a’ ahi hi; bang hang hiam cih leh vantung le leitungah a om khempeuh zong nangma a’ ahi hi. Topa aw, kumpi gam nangma a’ hi a, tuate khempeuh tungah nang a lutangin hong kisangsak hi.

Late 9:8

Leitung mite’ thu a mantakin khen a, a kilawm bangin mite’ thu a khen hi.

Late 74:12

Ahi zongin Pasian pen tanglai pek a kipanin kumpi hi tawntung a, hih leitungah a hong honkhia zelzel ngei ka Kumpi ahi hi.

Late 76:8

Vantung panin thukhenna na genkhia hi. Gimna a thuak leitung mi khempeuh a hon dingin thukhen dingin Pasian a kipat ciangin leitung lau mahmahin tang hetloin a om khikhe hi.

Late 100:3

Topa, Pasian ahihna thei un. Eite hong bawlpa amah hi a, eite ama a’ ihi hi. Eite ama mi ihi a, ama gankhahna sunga om a tuute ihi hi.

Isaiah 40:28

Thei nai lo a, za nai lo na hi hiam? Topa pen tawntung Pasian hi a, leitung mong khempeuh dong a Piangsak pa ahi hi. Amah gim lo a, zong tawl lo hi. Ama thu theihtelna kigen zo lo hi.

Daniel 6:27

Amah pen a honkhia pa le a suaktasak pa hi a, vantung le leitungah lim le na lamdangte a bawl hi. Humpinelkaite’ thahatna panin Daniel a suaktasak hi,” a ci hi.

Nahum 1:5

Ama mai-ah mual liante ling a, mual neute a tuisuak hi. Ama mai-ah leitang kicim a, leitung le a tunga om khempeuh a ling uh hi.