Jeremiah 1:9 - Tedim Bible

⁹ Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

Tedim Bible Revision 2017

⁹ Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

Jeremiah 1:9 Referans Kwoze

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Luka 12:12

Bang hang hiam cih leh a hun a tun ciangin Kha Siangtho in na gen dingteng uh hong hilh ding hi,” a ci hi.

Isaiah 51:16

Vantungte zalin lei bulpi ka phut a, Zion kiangah, ‘Nang pen keima mi na hi hi. Nang tungah thu kong hilh khin a, ka khut tawh nang ka hong hu hi,’ ka ci hi,” a ci hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Mattiu 10:19

Tua bangin thusitna a thuak dingin hong kipaipih ciangin, bang gen ding ihi hiam, ci-in lunghimawh kei un. A hun a tun ciangin na gen ding teng uh hong kihilh ding hi.

Jeremiah 5:14

Tua ahih manin Topa, Vanglian Pasian in hong hopih a, “Amaute, tu-a bangin kampau uh ahih manin na kam sungah mei bangin ka kuansak ka thute in sing tawh kibang hih minamte kangtum gawp ding hi.

Ezekiel 3:10

Tua khit ciangin amah in thu hong genthuah lai a, “Mihing ahi Ezekiel aw, nang tungah kong thugen khempeuh limtakin ngai inla ciamteh in.

Isaiah 49:2

Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Marka 7:33

Jesuh in zong mihonte omna panin tua mipa paikhiatpih a, a mipa’ bil tegel sungah a khutmete guang a, tua ciangin a khutmete cil nuhin a leii lawnsakin

Gamlak-vakna 23:5

Topa in Balaam kiangah thu gen a, “Balak kiangah ciahkikin hih bangin na gen ding hi,” a ci hi.

Thu-hilhkikna 18:18

Amau sanggamte lak panin nang tawh a kibang kamsang khat amaute a dingin ka khangsak ding hi. Ama gen dingte ka hilh ding a, amah ka thupiak khempeuh amaute tungah a gen ding hi.

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tuni ciang dong Israel gam le gamdang khempeuhte’ langkhatah ka thugente khempeuh gelh in.

Daniel 10:10

Tua laitakin ka khut khatin hong phongto a, ka khut le ka khukin ka thoto a, ling kankan kawmin ka om hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Thu-hilhkikna 18:16

“Note in, ‘Si kha ding ka hih manun Topa kote’ Pasian’ aw hong zasakkik kei in. Hih a lian mei zong hong musak nawn kei in,’ ci-in na kikhop ni-un Horeb-ah Topa na Pasian uh tung pan na deih bang uh hi ding hi.

Thu-hilhkikna 18:17

Topa in kei kiangah, ‘Amaute’ hong ngetna thuman taktak hi.

Isaiah 59:21

“Note tawh hih bangin thuciamna ka bawl hi: Keima vangliatna tawh keima thukhamte le ka thuhilhnate note tungah ka hong pia khin a, tu a kipanin a tawntungin note in tua thute zui-in na suanlekhakte uh na hilh ding uh a, a khang khangin na maimangsak kei ding uh hi,” a ci hi.

Jeremiah 15:19

Tua ahih manin Topa in, “Na hong kilehkik leh kong koihna ngei-ah kong koihkik ding a, ka na na sem kik ding hi. Thu manpha lo gen loin thu manpha bek na gen leh, ka kamsang dingin ka hong zang ding hi. Nang kiangah amaute hong pai ding uh a, nang na hih leh amau’ kiangah na pai kei ding hi.

Jeremiah 34:6

Kei zong hih thuteng khempeuh Jerusalem khua-a Judah kumpi Zedekiah kiangah ka gen hi.