Jeremiah 1:3 - Tedim Bible

³ Josiah’ tapa Jehoiakim kumpi a suah ciangin Topa in Jeremiah a hopih leuleu hi. Tua khit ciangin Josiah’ tapa Zedekiah kumpi a suahzawh kum sawm le kum khat a phak kum, a kha ngana, Jerusalem khua mite sal tang dingin a kipuakkhiat dong tam veipi a hopihpih hi.

Tedim Bible Revision 2017

³ Josiahʼ tapa Jehoiakim kumpi a suah ciangin Topa in Jeremiah a hopih leuleu hi. Tua khit ciangin Josiahʼ tapa Zedekiah kumpi a suah zawh kum sawm le kum khat a phak kum, a kha ngana, Jerusalem khua mite saltang dingin a kipuakkhiat dong tam veipi a ho pihpih hi.

Jeremiah 1:3 Referans Kwoze

Jeremiah 39:2

Zedekiah in a ukzawh kum sawm le kum khat, a kha lina, a ni kua ni-in, kumpipa’ khuapi kulh a hong phulet uh hi.

2 KUMPI NIHNATE 23:34

Tua ciangin Faro Neko in a pa Josiah’ tangin Josiah’ tapa Eliakim kumpi-in koih a, ama min Jehoiakim ci-in a kheelsak hi. Ahih hangin amah in Jehoahaz paikhiatpih hi; amah Egypt tung a, tua lai-ah a si hi.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Jeremiah 34:1

Babylon kumpipa Nebukhadnezzar in a galkapte khempeuh, a ukna gam khempeuh le a mi khempeuh tawh Jerusalem khua le a kiima khuapite a sim laitakin Topa in kei hong hopih a,

1 KHANG TANGTHU MASATE 3:15

Josiah’ tapate: A tacil Johanan, a nihna Jehoiakim, a thumna Zedekiah, a lina Shallum ahi uh hi.

2 KUMPI NIHNATE 24:17

Tua ciangin Babylon kumpipa in Jehoiakhin’ tangin ama pa’ sanggampa Mattaniah kumpi-in koih a, ama min Zedekiah-in a kheelsak hi.

Jeremiah 1:4

Topa in kei hong hopih a,

Jeremiah 35:1

Josiah’ tapa Jehoiakim, Judah gam kumpi ahih laitakin Topa in kei hong hopih a,

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tuni ciang dong Israel gam le gamdang khempeuhte’ langkhatah ka thugente khempeuh gelh in.