Jeremiah 1:14 - Tedim Bible

¹⁴ Tua ciangin Topa in, “Leilu lam panin hih gammi khempeuhte’ tungah siatna hong sosuk ding hi.

Tedim Bible Revision 2017

¹⁴ Tua ciangin Topa in, “Leilu lam panin hih gam mi khempeuhteʼ tungah siatna hong so suk ding hi.

Jeremiah 1:14 Referans Kwoze

Jeremiah 10:22

Ngai dih un, thu khat kigen hi. Judah khuapite gamlak a suaksak ding le se-alte’ khua a suaksak dingin leilu lam gam panin buaina lianpi khat hong pai hi.

Jeremiah 6:1

Benjamin’ suante aw, na suahtak nadingun tai un. Jerusalem khua taisan un. Tekoa khua-ah peengkul tum unla, Bethlehem khua-ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 4:6

Zion paina lampi kihilh unla, na suahtak nadingun tai un; zekai kei un. Bang hang hiam cih leh leilu lam panin siatna lianpi ka hong puaksuk hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisugawp bangin, amah in gam ukte tuancil gawp ding hi.

Ezekiel 1:4

Ka khuadak leh leilu lam panin huihpi a hong nung ka mu hi. Tua huihpi tawh a hong ton meiipi lak panin khua hong phia a, ka kimkotteng taang pempam hi. Tua khuaphiatna mun pen sumngo tawh kibangin a taang hi.

Jeremiah 50:41

“En un, leilu lam gam panin mi hong pai uh a, gam lian khat le kumpi tampi leimong gamla pek panin galsim dingin kithawithawi uh hi.

Jeremiah 50:9

Bang hang hiam cih leh en un, keimah in leilu lam panin gam pawlkhat ka hanthawn ding a, Babylon ka simsak ding hi. Amaute in Babylon khua kimkotah gal pangin tua khua a la ding uh hi. Galkap siamte’ lot bangin a thaltangte un khak loh a nei kei uh hi.

Jeremiah 46:20

Egypt gam, bawngla hoih mahmah tawh a kibang hi. Leilu lam panin a hong leeng cippi in amah a pet hi.

Jeremiah 31:8

En un, keimah in leilu lam gam panin amaute ka la ding a, leitung a gamla pen mun panin ka kaikhawm ding hi. Mittawte le khebaite zong hong kihel ding uh a, nupi gaite le nausuak ding numeite a kipan hih lai munah mihonpi hong ciahkik ding uh hi.

Jeremiah 6:22

Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Isaiah 14:31

“Filistia khuapi kongpite aw, nakpitakin kap un; khuapite aw, kiko un. Filistia mi khempeuh aw, lau-in ling un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte a meidawi khat beek om lo hi,” hong ci hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amaute’ tungah siatna a tunna ding thu ka piazo hi,” hong ci hi.

Jeremiah 47:2

Topa in a hong genin-ah, “En un, leilu lam panin tui hong khang ding a, hong letkhia-in hong luang ding hi. Gam sung le gam sunga om khempeuh hong tum ding a, khuapi le a sunga teng khempeuh hong tum ding hi. Mite kiko ding uh a, gam sunga om mi khempeuh a kap ding uh hi.

Ezekiel 24:3

Topa Pasian ahi keimah in amaute a dingin gentehna-in ka gen ahi hih thugentehna pen a lehdo thei ka mite tungah hih bangin gen in: Mei tungah beel suang unla a sungah tui a dimin buk un.

Joel 2:20

Leilu lam gam panin a hong pai mite, note kiang panin sehnel gamah ka hawlkhia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin a luanghawmte uh uihgawp ding hi.

Zekhariah 6:6

Sakol vomte in a kaih leeng pen leilu lam Babylon-ah a pai ding hi a, sakol kangte, nitumna lam, sakol gialte, leitaw lam, sakol sante, nisuahna lam gamah a pai ding ahi hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.