Jeim 5:1 - Tedim Bible

¹ A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Tedim Bible Revision 2017

¹ A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Jeim 5:1 Referans Kwoze

Paunak 11:28

Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

Jeremiah 9:23

Tua ciangin Topa in, “Mipilte in a pilna uh kisaktheihpih kei uh hen la, mi hatte in a hatna uh kisaktheihpih kei uh hen. Mihaute in zong a hauhna uh kisaktheihpih kei uh hen.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Jeim 1:11

Ni hong suakin a sat ciangin lopate vul a, a paakte pulhin a hoihnateng a bei mah bangin a haute zong manlahin a om laitakun siatna a thuak ding uh ahi hi.

Micah 6:12

Na mihaute uh mizawngte tungah tatsia mahmahin, na khuasung mi khempeuh uh zuaugen vive ahi uh a, a kam un khemna thu bekbek gen hi.

Zefaniah 1:18

Topa’ heh thuk ni hong tun ciangin a ngun le a khamte un amaute honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitung a teng mi khempeuh a sumai ding hi.

Isaiah 13:6

Topa’ ni hong naita ahih manin nakpitakin kap un. Vanglianpa’ kiang panin suksiatna hong tung ta ding hi.

Jeim 4:13

Tuni ahih kei leh zing ciangin tua khua tua khua-ah va pai-in, kum khat bang va omin, sumbawlin a meet tampi va ngah ni, a ci mite aw, ka thugen hong ngai dih un.

Jeim 2:6

note in mizawngte na simmawhbawl uh hi. Note hong bawlsia-in thukhen zum hong tun pahpahte, mihaute hizaw uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

Joel 1:11

Lokhote aw, dah un; leenggui ciingte aw, kap un; mangbuh le mangbuhham, lo an khempeuh a beita hi.

Joel 1:5

No zukhamte aw, tho unla kap un. No leenggahzu nete aw, thumin tau un. Na zunek ding teng uh beimang khinta hi.

Ezekiel 19:2

Na nu uh humpinelkai tawh kibang hi. Humpinelkai dangte tawh kikhawlin, a note a khoi hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topa’ hehna lauhuaipi eite’ kiang panin kiheikhia nai lo hi.

Jeim 4:9

Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasian’ na a semte aw, biakinn sungah tum unla, zanthapai-in dahna lim puanhampi silh un. Note’ Pasian’ biakinn sungah piak ding an le leenggahzu khat zong om nawn lo hi.

Isaiah 15:3

Kongzing lakah amaute in puanhampi silh uh hi. Innkhumzang le kongzing lampi kituahnate-ah mi khempeuh nakpi-in kapin khitui tawh a kawt uh hi.

Ezekiel 30:2

“Mihing ahi Ezekiel aw, Topa Pasian ahi keima thugen hih bangin pulak in: “‘A lauhuai ni,’ ci-in awng in.