Jeim 4:9 - Tedim Bible

⁹ Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.

Tedim Bible Revision 2017

⁹ Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.

Jeim 4:9 Referans Kwoze

Mattiu 5:4

Dahin a thum a tau mite Pasian in amaute hehnem ding ahih manin thupha ngah mi ahi uh hi.

Paunak 14:13

Nuihna pen cihmawh seelna zong hithei a, kigualnop sakna a ven’ ciangin dahna hong kilangkik hi.

Luka 6:25

Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.

Late 119:67

Gim nong piak ma-in lam ka pial thei zel a, ahih hangin tu-in na thu ka zui hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cih nading mel thei loin na om ding hi, Topa Pasian in ci hi,” a hong ci hi.

Ezekiel 7:16

Vakhu lau bangin mi pawlkhatte in mualtung tuh ding uh a, ahi zongin amau’ mawhna hangin si veve ding uh hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai-ah nopsakna a ngah laitakin nangmah in haksatna a thuak na hi hi.

JOB (Job) 30:31

Nidangin lungdamna la a kisa ka zakna munah tu-in thumna le kahna aw bek ka za ta hi.

Luka 6:21

Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Kah la 5:15

Lungnopna khempeuh bei mangkhin ta a, lungdamna khempeuh lungkhamna a suak ta hi.

Jeremiah 31:13

Tua ciangin nungakte lamin lungdam ding uh a, tangvalte le papite zong nuam ding uh hi. Amau’ kahnate lungdamna ka suaksak ding a, amaute hehpihin a dahnate uh kipahna ka suaksak ding hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pi kik ding hi. Tui omna lui gei-ah amaute ka paipihkik ding a, lam nuamah paipihin a tuk kei ding uh hi. Bang hang hiam cih leh Israel mite’ pa ka hi a, Efraim, ka ta upa pen ahi hi.

Thuhilh-sia 2:2

Nuihna pen haina ahihna, nopna pen bangmahin a kiman lohna ka mukhia hi.

Late 119:71

Nangma ngeina kipte ka sin theih nadingin gimna ka thuak pen kei a dingin hoih mahmah hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Nehemiah 8:9

Tua ciangin a gam ukpa Nehemiah, laithei pa lah hi-in siampi lah ahi Ezra, le mite a hilh Levi mite in amaute khempeuh kiangah, “Tuni pen Topa note’ Pasian a dingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Mattiu 21:41

Amaute in, “Tua migilote thatgawp ding a, a hun hunin leenggah a pia ding lo khawhlawh dangte khosak ding hi,” a ci uh hi.