Jeim 4:6 - Tedim Bible

⁶ Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

Tedim Bible Revision 2017

⁶ Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.

Jeim 4:6 Referans Kwoze

Mattiu 23:12

A kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi.

Paunak 3:34

Amah in mi kihisakte bangmahin sim lo a, a kiniamkhiatte tungah maipha a pia hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Paunak 18:12

A kiniamkhiatte in zahtakna ngah uh a, a kihisakte pen siat ding a manawh hita hi.

Late 138:6

Bang hang hiam cih leh Topa lian mahmah napi-in amah in a neute don a, a kiphasakte ahihleh amah in gamlapi panin mu thei veve hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Paunak 22:4

Kiniamkhiat-a Topa zahtakna thaman in hauhna, minthanna, le khansauna ahi hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoihsuk ding hi. Tua ni ciangin Topa bek a lianin kikoih ding hi.

JOB (Job) 22:29

Pasian in mi kiphasakte niamkhiat a, mi niamte a hon hi.

Luka 18:14

Ke’n kong cihin-ah, hih mipa pen Pasian tawh a kilemsa-in a inn-ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi,” a ci hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Luka 1:52

Kumpi vangliante, a tokhom panun khiasuk a, mineute, milianin a bawl hi.

Paunak 15:33

Topa zahtakna pen pilna mah hi pah a, kiniamkhiatna in pahtawina hong ngahsak hi.

2 KHANG TANGTHU NIHNATE 33:12

Amah a lungkham ciangin Topa a Pasian kunh-in a pu a pate’ Pasian’ mai-ah nakpitakin amahmah kiniamkhiat hi.

1 SAMUEL MASA 2:3

Tua bangin kiphatsakna tawh pau nawn kei inla, na kamsung pan kihihsakna gingkhiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

2 KHANG TANGTHU NIHNATE 34:27

hih mun le a tunga tengte langpanna ama kammal na zak ciangin na lungsim kisikin Pasian’ mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 32:26

Ahi zongin a nung ciangin Hezekiah a lungsim kiphatsakna thu-ah amah le Jerusalem-a teng mite tawh kiniamkhiat uh ahih manin amaute’ tungah Topa’ hehna hong tung lo hi.

Mattiu 13:12

Bang hang hiam cih leh a neisate tungah kipia thuahin hau semsem ding a, a nei lote tung panin a neihsa sunsun nangawn kilaksak ding hi.

2 KHANG TANGTHU NIHNATE 33:23

A pa Manasseh a kiniamkhiat bangin Topa’ mai-ah amah kiniamkhiat lo a, hih Amon in mawhna tam piangsak semsem hi.

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat lai takin amah in Egypt mite’ khutnuai panin mite khahkhia hi,” a ci hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Late 9:12

Bang hang hiam cih leh mi thahna a hua pa in amaute phawk a, a thuak mite’ awging amah in mangngilh lo hi.

2 KHANG TANGTHU NIHNATE 33:19

Tua ciangin ama thungetna, le ama kutna Pasian in a sanna, le ama khialhna le a cihtak lohna khempeuh, le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumute’ Khang Tangthu sungah kigelh hi.

Jeim 4:10

Topa mai-ah kiniamkhiat un. Tua hileh amah in hong lian bawl ding hi.