Jeim 4:5 - Tedim Bible

⁵ Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

Tedim Bible Revision 2017

⁵ Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

Jeim 4:5 Referans Kwoze

2 KORIN NIHNA 6:16

Pasian’ biakinn le lawkite’ milim bangci kilem theih ding ahi hiam? Bang hang hiam cih leh Pasian in, “Ka mite lakah tengin amaute tawh ka omkhawm ding hi. Kei pen amaute’ Pasian ka hi ding a, amaute, keima mi ahi ding uh hi.

1 KORIN MASA 6:19

Na pumpi uh, Pasian in a hong piak, note’ sungah a teng Kha Siangtho’ biakinn ahih lamtak thei lo na hi uh hiam? Note’ pumpi, nomau’ neihsa hi lo a, Pasian a’ ahi hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi hiam? Topa’ mi khempeuh kamsang hi hen la, Topa in amau’ sungah ama Kha guan leh ka cih laitak hi,” a ci hi.

Titu 3:3

Bang hang hiam cih leh eite zong nidangin haitatin, thumang loin, vakvai-in, duhna deihna a tuamtuamte thuaklahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Late 37:1

Migilote’ hangin kilungsosak kei inla, a man loin a gamta mite en’ dingin ngaihsun kei in.

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Piancilna 37:11

A sanggamte in amah haza uh a, ahih hangin a pa in hih thute a ciamteh hi.

Piancilna 30:1

Rachel in Jakob tawh ta a neih lohna a kimuh ciangin, amah in a sanggamnu eng hi. Amah in Jakob kiangah, “Ta hong pia in, tua ahih kei leh si ning!” a ci hi.

Piancilna 26:14

Amah in tuuhon le bawnghon, le innkuan mi tampi nei a, Filistia mite in amah eng uh hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Galati 3:8

Jew mite mah bangin Gentail mite in zong a upna uh hangin amah tawh a kipawlthei dingin Pasian in a bawl nading thu, Lai Siangtho in na ma theih hi. Tua ahih manin Lai Siangtho in Abraham tungah Lungdamna Thuthak na ma hilhkhol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Sawltak 7:9

“I pupi dangte in Josef na haza uh a, mi tungah na zuakin, a leite in Egypt gamah sal dingin a na zuaksawn uh hi. Ahi zongin Pasian in i pupi Josef na huh a,

Johan 10:35

Lai Siangtho sungah a kigelh thute a tawntungin a thuman hi a, Pasian’ thu a ngah mite pen Pasian in, ‘pasian-te,’ na ci hi.

Thuhilh-sia 4:4

Mi khatlekhat, hauhnop mana kidemna hangin nakpi taka na kisem ahihna ka mu hi. Hih zong a mawknapi hi a, huihpi nungdelh mah tawh kibang bek hi.

Paunak 21:10

Migilote in thusia bekbek deih uh a, a lawmte nangawn zah tuan lo uh hi.

Late 106:16

Gamlakah Moses le Topa’ mi siangtho Aaron a hazat uh ciangin,

ROM (Romans) 1:29

Siatna nam khempeuh ahi, hoih lohna, huaihamna, khatlekhat kisiatsak nopna, hazatna, mi thahna, kitotna, khemna, a sialam bekbek ngaihsutna, zuau genna,

ROM (Romans) 9:17

Bang hang hiam cih leh Lai Siangtho sungah Pasian in Faro kiangah, “Ka vangliatna lah nading le leitung khempeuhah ka min a kitheih nadingin kong zatnop manin kumpi a hong suaksak ka hi hi,” ci hi.

Isaiah 11:13

Efraim in hazatna lungsim a neihnate bei ding a, Judah mi a galbawlte kisusia ding hi. Efraim in Judah haza nawn lo ding a, Judah in zong Efraim galbawl lo ding hi.

Johan 19:37

Tua banah Lai Siangtho mun dang khatah, “Teipi tawh a sut pa uh a en ding uh hi,” na kici lai hi.

Johan 7:42

Khrih i cih pen David’ suan hi ding a, David’ suahna Bethlehem khua-ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Piancilna 38:9

Ahih hangin Onan in tate pen ama a’ ahih loh ding thei hi. Tua ahih ciangin a sanggampa’ zi tawh a lupkhawm ciangin a sanggampa’ tungah ta pia kha ding ahih manin a natui leilakah buasak hi.