Jeim 4:4 - Tedim Bible

⁴ A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Tedim Bible Revision 2017

⁴ A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Jeim 4:4 Referans Kwoze

ROM (Romans) 8:7

Mi khatpeuh in ama pumpi deihna a ki-uksak ciangin Pasian’ thukhamte zui lo ahih manin Pasian’ gal suak a, a zuihnop hangin zong zui thei lo hi.

Galati 1:10

Hih bangin thu ka gen ciangin mite’ hong pahtak theih nading a zong tawh kibang na hong sa uh hiam? Mite’ pahtak ding a ut ka hi kei a, Pasian’ hong pahtak ding a hanciam ka hi hi. Mihingte’ hong pahtak theih nadingin a gamta hi zenzen leng, Khrih’ nasem ka hi kei ding hi.

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teelkhia a, amaute tawh kipawl nawn lo na hih manun a hong mudah ahi uh hi.

Mattiu 6:24

“Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

ROM (Romans) 5:10

Pasian tawh eite i kilangneih laitakin ama Tapa’ sihna hangin amah tawh hong kilemsak ahihleh tu-in Pasian tawh kipawl khinta ihih manin Khrih nuntakna in eite hong honkhiazo zaw kan ding hi lo ahi hiam?

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

Hosea 3:1

Topa in kei kiangah thu hong genkik a, “Lawm a ngai khinsa, pasal tawh a lumkhawmsa numei khat tawh va kingai in. Israel mite, pasian dangte kiangah pai uh a, leenggahphehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Late 73:27

Bang hang hiam cih leh nang tawh a kigamlate kisia ding uh a, nangma tungah a hong khialte na beisak ding hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Mattiu 12:39

Ahi zongin Jesuh in, “Tuhuna mite bangzahin giloin, Pasian’ thu thei lo ahi uh hiam? Na lamdang ka bawl ding na hong ngen tazen uh hi. Jonah thu tawh kisai nalamdang longal adang hong kilaklo ding hi.

Late 21:8

Na khut in na galte khempeuh sugawp ding a, na khut taklam in nang hong mudahte sugawp ding hi.

Jeremiah 9:2

Sehnel gamlakah khawlna ding bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Isaiah 57:3

No, aisan numeite’ tapate, numei tawh a mawh mite le numei pangtatte’ tuletate aw, hih lai-ah hong pai un.

Late 50:18

Guta khat mu le-uhcin ama lawm na hi pah uh a, a paktat mite tawh na kikhawl uh hi.

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Ezekiel 16:32

A pasal itzaw loin, gamdang mite tawh mawhna a bawl numei tawh na kibang hi.

1 KORIN MASA 1:20

Tua ahih manin tuhuna mipilte, miteite, le thusel a siamte, bangin kimang ahi hiam? Hih leitung pilna pen haina a suahsak khitna kilang khinzo hi.

1 KORIN MASA 1:21

Pasian in ama pilna hong zang a, mihingte in amau’ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a piazaw hi.