Jeim 4:2 - Tedim Bible

² Na na deih uh a, ahi zongin nei lo na hih manun mi na thatnuam uh hi. Nate deihna lungsim na nei uh a, ahi zongin ngah zo lo na hih manun kitawngin na kilailawh uh hi. Pasian kiangah na deih uh ngen lo na hih manun a ngah lo na hi uh hi.

Tedim Bible Revision 2017

² Na na deih uh a, ahi zongin nei lo na hih manun mi na that nuam uh hi. Nate deihna lungsim na nei uh a, ahi zongin ngah zo lo na hih manun kitawngin na kilaii lawh uh hi. Pasian kiangah na deih uh ngen lo na hih manun a ngah lo na hi uh hi.

Jeim 4:2 Referans Kwoze

Johan 16:24

Tuni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Jeim 1:5

Pilna kisam na om uhleh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Paunak 1:19

Zawhthawh thu tawh mi’ na a sutte in sihlawh tawntung zaw a, hih bangin a gamtate in tua bangmah tuak ngitnget hi.

Habakkuk 2:5

Hauhna pen zuaupi hi a, a huaiham mite kiphasakin omkhong thei lo uh a, hankhuk mah bangin, phazo, cih omsak thei lo uh a, lungkim hun cih nei thei lo uh hi. Tua ahih manin minam dangte a ban banin simin a uk uh hi.

Isaiah 7:12

Ahih hangin Ahaz in, “Ka ngen kei ding hi; Topa ka ze-et kei ding hi,” ci hi.

Thuhilh-sia 4:8

Mi khat in tapa ahi a, sanggam ahi zongin nei lo napi-in, a tawntungin na semin a neihsa tawh lungkim hun nei thei lo hi. Kua a dingin gimpi-in na sem a, a ututin ta hoh lo ahi hiam? Hih zong a mawknapi mah, a dahhuai nuntakna khat ahi hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.

1 JOHAN MASA 3:15

A Khristian mipih a mudah mi peuhmah mi that hi a, mi thatte in nuntak tawntungna a neih lohna thu na thei uh hi.

1 KUMPI MASATE 21:6

Amah in, “Keimah in Jezreel khuami Naboth kiangah thu genin, ‘Sum tawh lei dingin na leenggui lo hong pia in; ahih kei leh zong, na lungkim leh tua tang dingin leenggui lo dang khat kong pia ding hi,’ ka ci hi. Amah in hong dawngin, ‘Nang tungah ka leenggui lo kong pia kei ding hi,’ hong ci hi,” a ci hi.