Jeim 4:16 - Tedim Bible

¹⁶ Ahi zongin note kihisakin na kisial uh hi. Tua bangte hoih het lo hi.

Tedim Bible Revision 2017

¹⁶ Ahi zongin note kihisakin na kisial uh hi. Tua bangte hoih het lo hi.

Jeim 4:16 Referans Kwoze

Paunak 27:1

Zing ciang hun ading kima-sialh kei in. Tuhun le tua hun kikalah a piang ding thu bangmah na thei kei hi.

1 KORIN MASA 5:6

Note lakah hih bang gamtatna om napi-in na kisaktheih uh dahhuai mahmah hi. Silngo themkhat in annel lompi a pawmsak theih lamtak thei lo na hi uh hiam?

Late 52:7

“Pasian a bel lo, ama hauhnate a muang, ama hauhna a bel pa en un,” hong ci ding uh hi.

Paunak 25:14

Bangmah a piak lohpi a kisialhpih pa pen guah a zusak tuan lo meiipi le huihpi nung tawh kibang lel hi.

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,

Jeim 3:14

Ahi zongin na lungsim uhah enna, gitlohna, le huaihamna a om leh a zuaugen na hi uh a, pil ing, ci-in kisialh nading bangmah om lo hi.

Isaiah 47:10

Na gitlohna-ah nang na lungmuang a, “Kuamah in kei hong mu kei hi,” na ci hi. Na pilna le na theihnate in lam hong pialsak a, na lungsim sungah, “Keimah hi’ng, kei simloh midang om kei,” na ci hi.

Late 52:1

Mi thahatpa aw, bang hangin miphate suksiatna-ah kisial na hi hiam? Sunthapai-in, suksiatna na ngaihsunsun hi.

1 JOHAN MASA 2:16

Bang hang hiam cih leh pumpi deihna, mit tawh mu-in i deihte, le mite’ kisaktheihpih nate ahi leitung nate khempeuh pen Pa Pasian tawh a kizom thu hi lo a, leitung tawh a kizom thu ahi hi.