Jeim 4:12 - Tedim Bible

¹² Thukham a pia pa le thu a khen pa pen Pasian bek hi a, amah bek in hong honkhiazo a, hong susiazo hi. Tua ahih manin bang hangin na mipihte uh gensia-in thu a khenthei dingin kingaihsun zenzen na hi uh hiam?

Tedim Bible Revision 2017

¹² Thukham a pia pa le thu a khen pa pen Pasian bek hi a, amah bek in hong hon khia zo a, hong susia zo hi. Tua ahih manin bang hangin na mipihte uh gensia-in thu a khen thei dingin kingaihsun zenzen na hi uh hiam?

Jeim 4:12 Referans Kwoze

ROM (Romans) 14:4

Mi khat’ nasemte tungah kua in thu khen thei ding na hi uh hiam? A gina le a ginalo a khen ding pa pen amau’ Topa ahi hi. A Topa un hoih hi, a cih leh a kipsak zawh nading vangliatna nei ahih manin a kip hi lel ding uh hi.

ROM (Romans) 2:1

Tua ahih ciangin midangte’ thu a khen note pen kuakua hita le-uh cin na suakta tuan kei ding uh hi. Midangte na mawhsakna uh thute mah note zong gamta veve na hih manun, no zong a mawh mah na hi uh hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Isaiah 33:22

Bang hang hiam cih leh Topa pen eite’ thukhen, Topa pen eite hong ukpa, Topa pen eite’ kumpi ahi hi. Amah in eite hong honkhia ding hi.

Jeim 5:9

Sanggamte aw, Pasian in note tungah thu hong khenkhak loh nadingin khatlekhat na kiphunsan kei un. Thukhen ding pa hong nai mahmah ta a, hong tung dektak ta hi.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

ROM (Romans) 14:13

Tua ahih manin khatlekhat kimawhsakin thu kikhen kei unla, i Khristianpihte i puksak khak loh nading, a dongtangsak ihih khak loh nadingin ngaihsun ciat ni.

ROM (Romans) 9:20

Lawmte aw, ahi zongin kua in Pasian’ thu nialngam ding na hi uh hiam? Beel in amah a seekpa kiangah, “Bang hangin tua bangin hong seek na hi hiam?” ci ngei lo hi.

Luka 12:5

Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

JOB (Job) 38:2

“Kei’ pilna a nial dingin nang kua na hi hiam? Thu na theih lohlam a kilangsak na hi bek hi.

1 SAMUEL MASA 25:10

Tua ciangin Nabal in David’ nasemte dawngin, “David kua ahi hiam? Jessi’ tapa kua ahi hiam? Tulai-in a tote kiang panin a taikhia nasem tampi om hi.