Jeim 3:6 - Tedim Bible

⁶ Leii pen mei tawh kibang hi. I pumpi na sung panin a neuno khat hinapi-in i pumpi buppi a sia suahthei a, hell khuk sung panin a hong piang mei tawh i nuntakna buppi hong kangtumsak thei hi.

Tedim Bible Revision 2017

⁶ Leii pen mei tawh kibang hi. I pumpi na sung panin a neuno khat hi napi-in i pumpi buppi a sia suah thei a, hell khuk sung panin a hong piang mei tawh i nuntakna buppi hong kaang tumsak thei hi.

Jeim 3:6 Referans Kwoze

Paunak 16:27

Migilote in siatna ding bek zongzong uh a, a kampaunate uh na a kangtumthei meikuang tawh kibang hi.

Marka 7:15

A pualam panin mite sungah tumin mi a ninsakthei bangmah om lo hi. Ahi zongin mite sung panin a pusuak khiate in mi ninsakthei hi.

Paunak 15:1

Kam nemin dawnna in hehna damsak a, kam khauh in hehna piangsak hi.

Luka 16:24

Tua ahih manin nakpitakin kiko a, ‘Pa Abraham aw, kei hong hehpih in. Meiphual sungah omin nakpitakin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Paunak 6:19

zuauthu gen teci man lote, le kitotna a piangsakte ahi hi.

Late 140:3

A leii uh gulpi leii bang a, a thugente uh gulgu bang hi.

Late 64:3

namsau taat bangin a leii uh a taatte, thaltang bangin thu hoih lo a ngimte,

3 JOHAN THUMNA 1:10

Tua ahih manin kong pai ciangin kote hong gensiatna, zuauthu a genna, le a gamtatna khempeuh ka pholak ding hi. Tua bang mi gensiatna ciang bek hi loin, i Khristian mipihte zin nangawn tungsak nuam lo a, zin a tungsak nuamte nangawn khamin, pawlpi panin hawlkhiat ding hanciam lai hi.

Jeim 2:7

Pasian in note a hong phuah min hoih a gensiate, mihaute mah ahi uh hi.

Sawltak 6:13

Tua ciangin zuauthu a gen dingin mi pawlkhat hong paipih uh a, “Hih mipa in a siangtho i biakinnpi le Moses Thukham gensia tawntung hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

2 SAMUEL NIHNA 19:43

Tua ciangin Israel mite in Judah mite dawngin, “Kumpipa sungah tanh sawm ka nei uh a, David’ sungah note khempeuh sangin tam ka neizaw uh hi. Tua ahih ciangin bang hangin note in kote hong simmawh na hi uh hiam? Kote pen i kumpipa ciahpih kik ding a gen masate hi lo ka hi uh hiam?” a ci uh hi. Ahih hangin Israel mite’ kammal sangin Judah mite’ kammal kihtakhuai zaw hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Mangmuhna 18:23

Na sungah meivak taang zong kimu nawn lo ding a, a kiteng nungak le tangval a lungdamte’ awging kiza nawn lo ding hi. Bang hang hiam cih leh na sumbawlte, leitungah a thahat pen hi a, na ai tawh leitung mi khempeuh na khem hi.

Mangmuhna 13:14

Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawlkhat hong om ding a, amaute in note hong zahpih bawlin,

Titu 1:11

Sum ngahtheih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Sawltak 20:30

Note sung mahmah panin zong mi pawlkhat in thu um mite khemin a zolkhiat hun hong tung ding hi.

Jeremiah 28:16

Tua ahih manin Topa in a hong genin-ah: ‘En in, hih leitung panin nangmah hong lakhia ding hi. Topa langpanna thu gen na hih manin tu kum sung mahin na si ding hi,’ hong ci hi,” ka ci hi.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Isaiah 30:27

En un, Topa’ vangliatna le a minthanna vang, gamlapi panin kimu thei hi. Meikuang le meikhu in ama hehna hong kilangsak a, ama kampaunate, mei bangin a kuang hi.

Gamlak-vakna 31:16

En un, hih mite in Balaam’ lamlahna tawh Peor-ah Topa’ tungah Israel mite zuautatsak hi. Tua ahih manin Topa’ mihonte lakah gimna hong tung hi.

2 KHANG TANGTHU NIHNATE 13:17

Abijah le a mite in Israel-te tampi tak that uh hi. Tua ahih ciangin Israel mi a kitengkhia mihing tul zanga a kithatin tuk hi.

2 SAMUEL NIHNA 16:20

Tua ciangin Absalom in Ahithofel kiangah, “Na ngaihsutna hong gen in; bang hih ding ihi hiam?” a ci hi.

Thu-hilhkikna 13:6

“Na sanggampa ahi a, na tanu ahih kei leh na tapa in ahi a, na ang sunga om na zi ahi a, nangmah banga na ngaihsut na lawm it in ahi zongin nang hong zol simin, leimong khat pan mong khat dong kikalah, nang kiang pan a nai ahi a, a gamla ahi zongin, nang hitaleh na pu na pate hitaleh in a theih ngei loh, na kiima om mite’ pasian-te, ‘Va pai-in pasian dangte va bia ni,’ hong cih leh

Siampi Laibu 24:11

Israel numei’ tapa in Min Siangtho gensia-in samsia hi. Amaute in Moses kiangah amah paipih uh hi. Ama nu’ min pen Shelomith hi a, Dan minam, Dibri’ tanu ahi hi.

Gamlak-vakna 25:2

Hih numeite in amau’ pasian biakpiakna pawi-ah Israel mite sam uh a, amaute in a pawi an nekpihin, amau’ pasian-te’ mai-ah kun uh hi.

Paunak 7:5

Tua hileh midangte’ zi tungah na khialhkhak loh nading, kam khum tawh a hong zol numei ginalote tawh na khialhkhak loh nadingin hong hu ding hi.

Isaiah 50:11

Midang suksiat ding a sawm mite aw, note’ vaihawm siatna mah in note hong susia ding hi. Topa’ khut tung panin gimna thuakin na lumsuk ding uh hi.

Jeim 3:7

Mihingte in gamsa, vasa, a bokvak ganhing le tui sunga om ngasate a kipan ganhing khempeuh zualsakin ukzo uh hi.