Jeim 3:2 - Tedim Bible

² Eite khempeuh a khialthei zelzelte vive ihi hi. Kampauna-ah a khial ngei lo mi a om leh a cingtaak mahmah hi a, a pumpi zong a ukzo mi ahi hi.

Tedim Bible Revision 2017

² Eite khempeuh a khial thei zelzelte vive ihi hi. Kampauna ah a khial ngei lo mi a om leh a cingtaak mahmah hi a, a pumpi zong a uk zo mi ahi hi.

Jeim 3:2 Referans Kwoze

Jeim 1:26

Mi khatpeuh in Khristian ka hi hi, ci napi-in kampau a kidopzawh kei leh amahmah a kikhemtawm hi lel a, ama biakna neih a mawkna ahi hi.

Paunak 13:3

Pau a ki-ipzo mi in a nuntakna a hu hi a, a mawk paupau mi pen amah a kisiasak tawm ahi hi.

1 PETER MASA 3:10

Bang hang hiam cih leh Lai Siangtho in, “Nuntak nuam deihin, hunhoih a zang nuamte in kamsia pau kei uh hen la, zuauthu gen kei ta uh hen.

Mattiu 12:37

Bang hang hiam cih leh nomau kampauna tawh kizui-in thu hong kikhen ding a, dik hi, cihna ahi a, mawh hi, cihna ahi zongin na ngah nadingun nomau kampau mah hong kibulphuh ding hi,” a ci hi.

Late 34:13

Siatna ding panin na leii kem inla, zuau genna panin na muk kem in.

Paunak 20:9

“Ka lungsim siangtho hi; mawhna ka nei het kei hi,” a ci thei ding mi kua om ahi hiam?

Thuhilh-sia 7:20

A manin a gamta, a khial ngei het lo, leitungah mi khat zong om het lo hi.

ROM (Romans) 3:10

Lai Siangtho sungah zong, “Pasian’ muhna-ah mi man kuamah om lo a,

Jeim 1:4

A kisam bangmah om loin a cingtaak na suahtheih nadingun na thuakna uh hangin a tawntungin na kip paisuak nadingun na ngaihsun un.

1 KUMPI MASATE 8:46

“Amaute nang tungah hong khialin - bang hang hiam cih leh mi a khial lo kuamah om lo hi - amaute tungah nang heh a, galte tungah amaute pia-in, amaute kimanin a galte’ gam a gamla ahi a, a nai-ah ahi zongin kipuakhia a,

Jeim 2:10

Mi khatpeuh in thukham dang khempeuh a zuih hangin khat a khialh nakleh a vekpi-in a khial mah ahi hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puannin tawh kibanglai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

1 KORIN MASA 9:27

Kimawlna sungah midangte a kihel dingin a sam hinapi-in tua kimawlna-ah a kihel zo lo mi ka suahkhak loh nadingin ka pumpi seekin hoihtakin ka ki-uk hi.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

Galati 3:22

Ahi zongin Jesuh Khrih a um mite tungah a upna hangun Pasian’ thuciam a kipiak theih nadingin Lai Siangtho in, “Mawhna khutnuai-ah leitung mi khempeuh a om hi,” na ci hi.

ROM (Romans) 7:21

Tua ahih ciangin a hoih gamta nuam hinapi-in a sia bekbek a gamtakha ka hihna ka thei hi.

2 KHANG TANGTHU NIHNATE 6:36

“Amaute nang tungah hong khialin (a khial lo kua om ahi hiam?) amaute tungah nang heh a, galte tungah amaute pia-in, amaute a gamla gam ahi a, a nai-ah ahi zongin galmatin kipuakhia a,

1 PETER MASA 5:10

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

Galati 5:17

Bang hang hiam cih leh ei’ pumpi ut bangin gamta lehang Kha Siangtho’ deihna tawh na kituak lo a, Kha Siangtho’ deihna bangin gamta lehang ei’ pumpi deihna tawh na kituak lo zel ahih manin hih nih tegel a kilangpang niloh na hi a, note’ ut bangin a gamta thei lo na hi uh hi.

Late 39:1

“Ka leii tawh ka khialhloh nadingin ka gamtatna ka kikem ding a, ka omna-ah migilote a omlaiteng ka kam ka kham ding hi,” ka ci hi.

Paunak 10:19

Kam tam paute tampi khial a, pau iptheite mipil hi.

Paunak 21:23

Kampau a ki-ipzote lungkhamna tawh kipelh hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Siampi Laibu 13:39

siampipa in vel ding a, a pumpi vun tunga om a tuampian munte pen a kang milmial ahihleh, tua pen vun a phukham meima hi a, amah a siang hi ding hi.

JOB (Job) 15:13

Pasian’ tungah a heh na hi a, amah a simmawh na hi hi.