Jeim 3:10 - Tedim Bible

¹⁰ Kam khat sung panin thupha le thusia pusuak khawm hi. Sanggamte aw, hih bang ahi ding hi het lo hi.

Tedim Bible Revision 2017

¹⁰ Kam khat sung panin thupha le thusia pusuak khawm hi. Sanggamte aw, hih bang ahi ding hi het lo hi.

Jeim 3:10 Referans Kwoze

ROM (Romans) 12:14

No a hong bawlsia mite, Pasian in thupha a piak nadingin thu ngetsak unla, tua bang mite samsia loin thupha piazaw un.

1 PETER MASA 3:9

Hong bawlsiate siatna tawh thukkik loin hong samsia mite samsia kik kei unla, Pasian in note a hong sap lai-in thupha a hong piak dingin hong ciamsa ahih manin, hong siat bawlte thupha tawh na thukzaw un.

1 KORIN MASA 3:3

Bang hang hiam cih leh Pasian’ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiselin na om uh ciangin hih leitung mite mah a bang lel na hihna uh hong kilang hi.

1 TIMOTI MASA 5:13

Tua bek zong hi loin, bangmah sem loin inn khat pan inn khatah vak kawikawi-in a hun uh mawk beisak uh a, a vakmawk uh tawh maisak loin mi gensia kawikawi-in midangte va nawngkaisak uh a, a gen lohpi ding teng uh genin va nei uh hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Piancilna 20:9

Tua ciangin Abimelek in Abraham samin ama kiangah, “Bang hangin ko tungah hong hici gamtat na hi hiam? Kei le ka kumpi gam sungah khialhna lianpi khat nong tut nadingin nang’ tungah bang khialhna nei ka hi uh hiam? Hih dinga kilawm lo nate kei’ tungah nong hih hi,” a ci hi.

2 SAMUEL NIHNA 13:12

Amah in dawngin, “Hilo hi, ka sanggampa aw, kei hong thatang hih kei in; bang hang hiam cih leh Israel sungah tua bangin kigamta lo hi. Hih bangin hai gamtat lua kei in.

Jeim 1:16

Sanggamte aw, mite’ khemsa-in om kei un.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Jeim 3:1

Sanggamte aw, mite tungah thu a hilh eite pen midangte sangin a khauhzaw-in thu hong kikhen ding ahih manin note tampi sia na suaknuam se kei un.

Jeim 3:9

I leii tawh eite’ pa ahi Topa i phat thei a, Pasian tawh a kisunin a kibawl i mipihte zong tua i leii mah tawh i samsia thei hi.

Jeim 3:11

Tuinak khat panin tui lim le tui lim lo hong luangkhia khawm thei ahi hiam?