Jeim 3:1 - Tedim Bible

¹ Sanggamte aw, mite tungah thu a hilh eite pen midangte sangin a khauhzaw-in thu hong kikhen ding ahih manin note tampi sia na suaknuam se kei un.

Tedim Bible Revision 2017

¹ Sanggamte aw, mite tungah thu a hilh eite pen midangte sangin a khauh zaw-in thu hong kikhen ding ahih manin note tampi sia na suak nuam se kei un.

Jeim 3:1 Referans Kwoze

1 TIMOTI MASA 1:7

Thei kisa ngelin a gen kankan uh thute le amau kampauna mahmah zong bang gen ka hi hiam cih a thei het lo hinapi-in amaute pen Pasian’ thukhamte a hilh dingin utzaw lai uh hi.

1 PETER MASA 5:3

Note’ kep dingin a hong kipia tuute, aana neihna tawh a cing hi loin tuute’ etteh dingin a gamtate na hi un.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna-ah kamsangte, a thumna-ah laihilhte, tua ciangin nalamdang bawltheite, cina damsak theite, midang a huhtheite, thu vaihawm a siamte, le pau lamdang a pau theite ahi uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

2 TIMOTI NIHNA 1:11

Hih a thak Lungdamna Thu hilhin a taangko ding le sawltak na a sem dingin kei a hong kikoih ahi hi.

Johan 3:10

Jesuh in, “Israel mite’ sia hinapi-in hih thu theithei lo na hi hiam?

Mattiu 10:24

“A siapa sangin a sang naupangte lianzaw ngei lo a, a topa sangin a silate lianzaw ngei lo hi.

Luka 6:37

“Midangte’ thu khen kei un. Tua hileh no tungah zong Pasian in thu hong khen lo ding hi. Midangte mawhsak kei un. Tua hileh Pasian in note zong hong mawhsak lo ding hi. Midangte’ mawhna maisak un. Tua hi leh Pasian in note’ mawhna zong hong maisak ding hi.

Mattiu 9:11

Farisi mite in hih thu a muh uh ciangin Jesuh nungzuite kiangah, “Bang hangin na siapa un siahdongte le thukham khialte tawh an nekhawm ahi hiam?” a ci uh hi.

Malakhi 2:12

Hih bangin a gamta mi peuhmah, a kua a kua hitaleh, Topa in sugawp hen la, Vanglian Topa tungah biakna a paipih ei minamte tawh hong kigawmsak nawn kei hen.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Jeim 1:16

Sanggamte aw, mite’ khemsa-in om kei un.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Jeim 3:10

Kam khat sung panin thupha le thusia pusuak khawm hi. Sanggamte aw, hih bang ahi ding hi het lo hi.

Mattiu 23:14

“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zangmang uh a, mite in mihoih hong saktheih nading na deihna-un thu saupipi na ngen uh hi. Hih bangin na gamtatna uh hangin na gim thuak ding uh nasiazaw kan lai ding hi.