Jeim 2:9 - Tedim Bible

⁹ Ahi zongin mi na deidan uhleh note a khial na hi uh a, Thukham a palsat na hi veve uh hi.

Tedim Bible Revision 2017

⁹ Ahi zongin mi na deidan uh leh note a khial na hi uh a, Thukham a palsat na hi veve uh hi.

Jeim 2:9 Referans Kwoze

Siampi Laibu 19:15

“Note in thukhenna-ah thu a tang loin na khen kei ding uh hi. Mizawngte langgen loin, a liante’ thu zui loin, thumanna tawh na vengte uh thu na khen ding uh hi.

Johan 8:9

Ahi zongin hih kammal a zak uh ciangin amaute a khangham pen panin khat khatin paikhia uh a, a tawpna-ah Jesuh le a mai-ah a ding numei bek a omlai hi.

1 JOHAN MASA 3:4

Mawhna i cih pen thukham palsatna ahih manin a mawh mi khempeuh thukham palsat ahi uh hi.

ROM (Romans) 3:20

Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.

Johan 16:8

Amah hong tun ciangin leitung mite tungah mawhna thu, thuman thu leh thukhenna thu laktel ding hi.

Johan 8:46

Note lakah kua in ka mawhna na hong lakthei uh hiam? Hong lak thei lo na hih manun thuman ka gen ciangin bang hangin hong um lo na hi uh hiam?

Juda 1:15

Pasian’ deihna bangin a gamtat lohna hang uh le kam hoih lopipi zangin Pasian a gensiatnate uh hangin Pasian’ deihna bangin a gamta lo mite tungah thu khenin mawhsakna pia ding hi,” na ci hi.

Galati 2:19

Thukham tawh kisai-in ahihleh Pasian a dingin ka nuntak theih nadingin tua Thukham mah in kei hong thatkhin ahih manin Thukham tawh kisai thu-ah misi bang ka hi hi. Singlamteh tungah Khrih a kithah lai-in kei zong amah tawh a sikhawm ka hi hi.

1 KORIN MASA 14:24

Ahi zongin na vekpi-un hoihtakin Pasian’ thu na gen laitakun mi mawkmawkte ahih kei leh thu um lote hong pai leh, a zak uh thute hangin a mawhna uh kiphawkin a hoih lohna uh kithei ding uh hi.

Thu-hilhkikna 1:17

Thukhenna-ah angvan na nei kei ding uh hi. A neu le a liante a kibangin a thu na ngai ding uh a, maitang zahtak tuam na nei kei ding uh hi. Bang hang hiam cih leh thukhenna pen Pasian-a’ ahi hi. Note a dingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Sawltak 10:34

Tua ciangin Peter a kam ka-in thu hilh ding kipan a, “Pasian in kuamah angvan’ tuam nei loin,