Jeim 2:8 - Tedim Bible

⁸ Lai Siangtho sungah, “Nangmah na ki-it bangin na vengte na it in,” ci-in a genna Topa’ Thukham zui le-uhcin a hoih hi pah hi.

Tedim Bible Revision 2017

⁸ Lai Siangtho sungah, “Nangmah na ki-it bangin na veengte na it in,” ci-in a genna Topaʼ Thukham zui le-uhcin a hoih hi pah hi.

Jeim 2:8 Referans Kwoze

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte uh na it ding uh hi; kei pen Topa ka hi hi.

Galati 5:14

Bang hang hiam cih leh Thukham khempeuh thu khatin kigawm thei a, “Nangmah na ki-it bangin na vengte na it in,” cihna tawh kitomlak thei hi.

Jeim 2:12

Tua ahih manin mi a khahkhia thei thukham tawh kizui-in thukhenna a thuak ding mi bangin kampau-in na gamta un.

Mattiu 22:39

A nihna pen a masa mah tawh kibang a, nangma pumpi na it bangin na vengte na it in, cihna ahi hi.

Galati 6:2

Thu haksa na tuah uh ciangin khatlekhat na kihuh un. Tua hileh Khrih’ thukham a zui na hi uh hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Jeim 1:25

Ahi zongin mite a suaktasak thei thukham cingtaak hoihtakin a et khit ciangin a thu ngai-in a mangngilh pah hi loin, hoihtakin ngaihsun tawntungin a zuite pen a sepna khempeuh uhah Pasian in thupha a pia ding hi.

Jonah 4:4

Topa in zong, “Na heh ding kilawm sa na hi hiam?” a ci hi.

2 KUMPI NIHNATE 7:9

Tua ciangin amaute khatlekhat in, “A manin i gamta kei hi. Tuni pen thuthak a hoih i theih ni ahi hi. Eite pau loin zingsang khuavak dong ngak lehang gimna i thuak ding hi. Tua ahih ciangin tu-in hong pai un. Eite pai-in kumpipa innkuante kiangah va gen ni,” kici uh hi.

1 THESALONIKA MASA 4:9

Ahi zongin thu uppih mite it ding tawh kisai-in bangmah gelh ding na kisam nawn kei uh hi. Khatlekhat na ki-it nading uh Pasian in note tungah hong hilh khinzo hi.

Filippi 4:14

Ahi zongin ka lungkham laitakin na hong huh manun hoih mahmah hi.

Mattiu 25:23

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Jonah 4:9

Ahih hangin Pasian in Jonah kiangah, “Tua umgui hangin na heh ding kilawm sa na hi hiam?” a ci hi. Jonah in, “Ka heh ding kilawm sa tham loin hehlua-in ka si zongin kilawm ka sa veve hi,” a ci hi.

1 KUMPI MASATE 8:18

Ahih hangin Topa in ka pa David kiangah, ‘Keima min dingin biakinn khat lam ding na lungsim sungah a omna thu a hoih mahmah ahi hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in ling deldel uh hi.

Mattiu 25:21

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 7:12

Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangte’ thuhilhnate pen hih mah a deihna ahi hi.

ROM (Romans) 13:10

Midangte a it mi peuhmah in amaute tungah siatna bawl het lo ahih manin itna i neih ciangin Thukham buppi a zui khinta ihi hi.

Jeim 4:11

Sanggamte aw, khatlekhat kigensia kei un. A mipihte gensia-in thu a khente in Thukham gensia-in thu a khen ahi hi. Thukham na gensiat uhleh Thukham a zui hi loin thu a khen na hi uh hi.