Jeim 2:6 - Tedim Bible

⁶ note in mizawngte na simmawhbawl uh hi. Note hong bawlsia-in thukhen zum hong tun pahpahte, mihaute hizaw uh hi.

Tedim Bible Revision 2017

⁶ note in mizawngte na simmawh bawl uh hi. Note hong bawlsia-in thukhen zum hong tun pahpahte, mihaute hizaw uh hi.

Jeim 2:6 Referans Kwoze

Paunak 17:5

A zawngte a simmawh pa in amah a Piangsak pa a simmawh hi a, midangte’ tuahsiatna-ah a lungdam mipa in gim thuak hamtang ding hi.

1 KORIN MASA 11:22

Hih bangin na gamtat uh, anletui na nek nading uh inn nei lo na hi uh hiam? Tua ahih kei leh Pasian’ pawlpi simmawh bawlin pawlpi mizawngte na maizumsak nopna uh ahi hiam? Hih thu tawh kisai-ah hong pakta ding nong sak uhleh note ka hong pakta het kei hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Late 14:6

Mizawngte’ geelna susia nuam uh a, ahih hangin Topa pen mizawngte’ belh ahi hi.

Jeim 5:4

Na lo uh a hong khawhsakte a thaman pia lo na hih manun tu-in amaute’ phunna za un. Anla dingin na sawl uh mite’ phunna Vanglian Topa in za khinta hi.

Jeim 2:3

limtakin a kizem mipa zahtakbawl zaw-in, “Hih lai-ah tutna nuamah hong tu in,” ci le-uhcin a, ahi zongin mizawng pa kiangah, “Tua lai-ah na ding phot in,” cihna ahi a, “Sual tung hih ka khe kiang khawngah hong tu in,” cihna ahi zongin kam na zat uhleh,

Sawltak 17:6

Tua inn-ah Paul le Silas a muh loh uh ciangin a innteek pa Jason le midang pawlkhat kaikhia-in uliante kiangah paipih uh a, “Hih mite in mun khempeuhah buaina piangsak uh hi. Tu-in i khuasung hong tung uh a,

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 8:3

Ahi zongin Saul in pawlpi suksiat ding hanciam a, inn khat pan inn khatah pai kawikawi-in, thu um numei le pasalte kai-in thong sungah a khia hi.

Zekhariah 7:10

note lakah a om meigong, tagah, gamdang mite, ahih kei leh mizawngte gim pia loin, khatlekhat kiliatsakna ding na ngaihsut lohna ding uh thu ka hong piazo hi,” a ci hi.

Amos 5:11

Note in mizawngte tuancilin, a an neihteng khempeuh uh laksak na hih manun, suangseek inn na lam hangun tua suang inn sungah na tengkha kei ding uh a, leenggui lo hoih na neih hangun a leenggahzu na dawnkha kei ding uh hi.

Thuhilh-sia 5:8

Kumpite in mizawngte gim ngahsakin, thuman thutangin na a kisep kei leh lamdang sa kei in. Uliante pen amau’ tunga uliante in en uh a, tuate’ tungah a ensawn a lianzaw khat omlai hi.

Paunak 22:16

Hauhnop manin mihaute letsong pia leeng kizawnlawh a, hauhnop manin mizawngte’ neihsa laksak lehang zong kihauhlawh tuan lo hi.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

Late 10:14

Nangmah in na mu hi. Na huh theih nadingin haksatna le gimna a thuakte na ciamteh hi. A tuahsia mi in nangma tungah ama pumpi hong ap a, pa nei lote a huhpa na hi hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.

Sawltak 18:12

Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Habakkuk 3:14

Mi cimawhte, mun simthamah a sukgawp bangin, kote a hong suthang dingin huihpi bangin hong pai laitakin na thal tawh a galkap mangpa na kaplet hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Late 10:10

A thatanghat thu tawh mi tuahsia mi sucipin a puksuk sak hi.

Late 10:8

Khuaneute sungah mi a buksimin tu a, munbu kawmah mawhnei lote a that hi. Ama mit in mi tuahsiate ensim a,

Late 10:2

Migilote in kiphatsakna tawh mizawngte uuk delh uh hi. Amau ngaihsut vaihawmna mahah amaute awksak in.

JOB (Job) 20:19

Bang hang hiam cih leh amah in mizawngte bawlsia-in don lo a, midangte’ inn lamsate sutin a tang hi.

Johan 8:49

Jesuh in, “Kei dawivei ka hi kei hi. Keimah in ka Pa ka zahtakbawl a, ahi zongin note in kei nong simmawhbawl uh hi.

Paunak 18:23

Mizawngte a pau ciangin thumna kam zang a, mihaute in a dawn ciangin kihihsakna kam zang hi.

Paunak 22:7

Mihaute in mizawngte uk a, leitawi a late pen a piate’ sila a suak hi.