Jeim 2:5 - Tedim Bible

⁵ Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Tedim Bible Revision 2017

⁵ Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Jeim 2:5 Referans Kwoze

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Luka 6:20

Tua ciangin Jesuh in a nungzuite en a, “No mizawngte Pasian’ Ukna sungah om na hih manun thupha ngah mi na hi uh hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satan’ pawlte ahi uh hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

Luka 12:21

Tua ciangin Jesuh in a thugen a khupna-in, “Tua mah bangin amau a’ ding bekin a kholcipte pen Pasian’ muhna panin mihau hi lo uh hi,” a ci hi.

1 PETER MASA 1:4

Pasian in ama mite a dingin a koih thuphate i ngah nadingin lamenin i om hi. Tua thuphate sia ngei lo, nin ngei lo, mual ngei loin a om tawntungna vantungah note a dingin a hong koihsak hi.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Luka 12:32

Tua ciangin Jesuh in, “Tuuhon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong sehsa ahi hi.

1 KORIN MASA 2:9

Tua ahih manin Lai Siangtho sungah, “Kuamah in a muh ngei loh, a zak ngei loh, piangthei dingin zong a ngaihsut loh uh thu pen Pasian in amah a it mite a dingin a bawlkholh saksa ahi hi,” ci-in na kigelh hi.

Mattiu 25:34

Tua ciangin Kumpipa in a taklamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note a dingin a kibawlkholsa gamnuam hong luah un.

Mangmuhna 21:7

A gualzo mi khempeuh in kei tung panin a ngah ding thu in: Kei pen amaute’ Pasian ka hi ding a, amaute keima ta ahi ding uh hi.

Jeim 1:9

Miniamte in liatna a ngah ciangin lungdam uh hen.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Mangmuhna 3:18

Tua ahih manin na hauhtheih nadingun kei kiang panin kham citak hong lei-in a zumhuaipi-in guaktanga na omna uh na kisel nadingun puanpak hong lei unla, khua na muhtheih nadingun mit zatui hong lei un.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai-ah nopsakna a ngah laitakin nangmah in haksatna a thuak na hi hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.

2 PETER NIHNA 1:11

Tua hileh eite’ Topa le Honpa Jesuh Khrih Uk tawntungna sungah nuamtakin na lut thei ding uh hi.

2 TIMOTI NIHNA 4:18

Topa in siatna khempeuh panin kei hong honkhia ding a, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

2 THESALONIKA NIHNA 1:5

Tu-a na thuaknate uh hangin Pasian’ Ukna sungah a om dingin a kilawm mi suak na hih manun Pasian’ thukhenna a man ahihna hong kilangsak hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

ROM (Romans) 8:17

Eite pen ama ta ihih manin mite a dingin a koih thuphate i ngah banah Khrih a dingin a koihte zong i ngahkhawm lai ding hi. Bang hang hiam cih leh Khrih in a thuak mah bangin i thuak nakleh amah a minthan’ mah bangin ei zong i minthang ding hi.

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Zekhariah 11:7

Tuu summeet bawlte in kei hong cial uh a, a kigo ding tuute a cing pa ka suak hi. Kei zong ciangkhut nih la-in khat pen “Hehpihna” ci-in min ka phuak a, a khat pen “Kipawlna” ci-in min ka phuak hi. Tua hi a, tuute a cingin kei ka om hi.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

JOB (Job) 34:19

Pasian pen mi khempeuh a hong piangsak pa hi a, amah in uliante panpih tuan nei lo a, mizawngte sangin mihaute thupi ngaihsutzaw tuan lo hi.

JOB (Job) 34:10

“Ahi zongin thu ngaihsun thei a kinei note khempeuh in ka thugenna hong ngai un. Pasian a giloin gamta ngei ding a, Vanglianpa in a man loin sem ngei ding ahi hiam?

Paikhiatna 20:6

ahih hangin kei hong itin ka thupiakte a zui mi a tul tampite tungah itna kip a lak pa ka hi hi.

Jeim 1:16

Sanggamte aw, mite’ khemsa-in om kei un.

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasian’ lungkimna bangin na gamtat theih nadingun ka hong gengen uh hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muhtheih nadingun note’ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khrih hingsakin, vantung gamah zong, ama taklamah a tutsak nadingin a zat vangliatna mah ahi hi.

2 KORIN NIHNA 4:15

Hih thute khempeuh note a’ ding a kikhualna hi a, Pasian’ hehpihna in mi tam ban semsem leh mi a tam semsem mah in Pasian’ minthan nadingin lungdam ko-in thu ngen ding uh hi.

Johan 7:48

Jew mi uliante hitaleh Farisi mite hitaleh sung panin amah a um, na theih uh omnai ahi hiam?

Luka 22:29

Ka Pa in uk nading aana kei tungah hong piak mah bangin kei zong note tungah ka hong pia ding hi.

Marka 7:14

Tua ciangin Jesuh in mihonpite samin amaute kiangah, “Mi khempeuh aw, ka thugen hong ngai unla, ka thugente theitel un.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giaugiau uh a, hih banga ka gamtatna panin Topa’ thugen ahihlam a phawk uh hi.

Zefaniah 3:12

Note lakah a kiniamkhiat, mineute bek, ka suaktasak lai ding a, keima tungah huhna hong ngen ding uh hi.

Paunak 8:32

“Tate aw, tu-in ka thugen hong ngai unla, kong gente zui le-uhcin lungdamna na ngah ding uh hi.

Paunak 7:24

Ka tate aw, kei’ lam hong nga unla, ka thugente hong ngai un.

JOB (Job) 38:14

Khuavak in mualleguamte kilangkhia sak a, puan a tonin a kikoih tawh a kibatna a kilangsak hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in kei’ tungtawnin thu hong gen lo ahi hi,” a ci hi. Tua ciangin amah in, “A kuamah peuh in hih ka thugen za un,” cithuah lai hi.

Sawltak 7:2

Stefen in, “Ute pate aw, ka thugen hong ngai un. I pupi Abraham, Haran khua-ah a tenma, Mesopotamia gamah a om lai-in, ama kiangah a minthang Pasian kilang a,

Thukhente 9:7

Jotham kiangah tua thu a kigen ciangin amah pai-in Gerizim Mual dawnah ding a, nakpi-in kiko-in amaute kiangah, “No Shekhem mite aw, Pasian in note’ thu hong ngaih theih nadingin ka thu hong ngai un.

1 SAMUEL MASA 2:8

Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.

Paunak 13:7

Mi pawlkhatte, zawng napi-in kihausak uh a, mi pawlkhatte, hau napi-in kizawngsak uh hi.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.